இவ்வளவு கம்மி விலையில் இத்தனை சிறப்பம்சங்களா? அசத்தும் Fire Boltt ஸ்மார்ட்வாட்ச்!

ஃபயர் போல்ட் நிறுவனம் தனது புதிய ஸ்மார்ட் வாட்சை இந்தியாவில் அறிமுகம் செய்துள்ளது, இந்த லேட்டஸ்ட் வெளியீடு ஃபயர் போல்ட் இன்ஃபினிட்டி என்று அழைக்கப்படுகிறது.  சமீபத்தில் நிறுவனம்  ஃபயர் போல்ட் ராக்கெட்டை அறிமுகம் செய்தது.  இந்த ஸ்மார்ட்வாட்ச் ஆனது சந்தையில் பிரபலமாக இருந்து வரும் ஒன்ப்ளஸ் நார்டு வாட்ச், ரியல்மி 3 ப்ரோ, நாய்ஸ் கலர் பிட் ப்ரோ 4 மேக்ஸ் போன்ற முன்னணி நிறுவனங்களுடன் போட்டிபோடுகிறது.  இந்த ஃபயர் போல்ட் இன்ஃபினிட்டி ஸ்மார்ட்வாட்ச் ரூ. 5,000 விலைக்குள் உங்களுக்கு கிடைக்கப்பெறுகிறது.

ஃபயர் போல்ட் இன்ஃபினிட்டி ஒரு ரொடேடிங் க்ரவுன் உடன் சர்குலர் டயல் மற்றும் வலது பக்கத்தில் இரண்டு கூடுதல் பட்டன்களையும் கொண்டுள்ளது.  இது உலோகத்தால் ஆன உடலமைப்பை கொண்டுள்ளது மற்றும் இது நன்கு பெரியளவிலான வடிவமைப்பைக் கொண்டுள்ளது.  இந்த ஸ்மார்ட்வாட்ச் ஹெச்டி+ தெளிவுத்திறன் கொண்ட 1.6 அங்குல திரை, 60Hz புதுப்பிப்பு வீதம் மற்றும் 600 நீட்ஸ் உச்ச பிரகாசம் ஆகிய சிறப்பம்சங்களை கொண்டுள்ளது.  இது 90 சதவீத ஸ்க்ரீன் டூ பாடி விகிதம் மற்றும் கஸ்டமைஸபிள் வாட்ச் முகங்களைக் கொண்டுள்ளது.  மேலும் இந்த ஸ்மார்ட்வாட்ச் வாட்டர்ஃப்ரூப் IP67 ரேட்டட் டஸ்ட் கொண்டுள்ளது.

ஃபிட்னஸ் தொடர்பான அம்ஸங்களும் இந்த வாட்ச்சில் உள்ளது.  ஃபயர் போல்ட் இன்பினிட்டியில் இதய துடிப்பு கண்காணிப்பு, SpO2 சென்சார், ஸ்லீப் மானிட்டர் மற்றும் பெண்களின் மாதவிடாய் சுழற்சி கண்காணிப்பு ஆகியவை பொருத்தப்பட்டுள்ளதோடு, இதில் 300 விளையாட்டு முறைகளுக்கான அம்சங்களும் உள்ளது.  இதன் குறிப்பிடத்தக்க சிறப்பம்சம் என்னவென்றால் இது 4ஜி ஸ்டோரேஜை கொண்டுள்ளது.  இதன் மூலம் பயனர்கள் சாதனத்தில் 300 இசை டிராக்குகளை சேமிக்க முடியும் மற்றும் இதனை நீங்கள் ஒரு TWS சாதனத்துடன் இணைத்துக்கொள்ளலாம்.  கூடுதலாக இந்த ஸ்மார்ட்வாட்ச் ஆனது ஸ்மார்ட்போனின் உதவியில்லாமல் புளூடூத் அழைப்பு அம்சத்துடன் வருகிறது.  இந்த ஸ்மார்ட்வாட்ச்சில் உங்களுக்கு நோட்டிஃபிகேஷன் டிஸ்பிளே, வானிலை அப்டேட்டுகள் போன்ற பலவிதமான மேம்பட்ட அம்சங்களை உங்களுக்கு வழங்குகிறது.  ஃபயர் போல்ட் இன்பினிட்டியின் விலை ரூ.4,999.  இந்த ஸ்மார்ட்வாட்ச் உங்களுக்கு கருப்பு, தங்கம் மற்றும் வெள்ளை நிறங்களில் கிடைக்கிறது, மேலும் இதனை நீங்கள் அமேசானில் வாங்கிக்கொள்ளலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ