உங்கள் மொபைல் பேட்டரி நல்ல நிலையில் உள்ளதா... கண்டறிவது எப்படி?

Smartphone Hacks: இந்த காலகட்டத்தில் ஒரு மனிதருக்கு பல்வேறு வகையில் பிரச்னைகள் ஏற்படுகிறது என்றால், அதில் மொபைல், லேப்டாப் சார்ந்த மின்னணு சாதனங்களின் பிரச்னைகளும் அடக்கம். இப்போதெல்லாம் மொபைல், லேப்டாப்களை பிரச்னையில்லாமல் பாதுகாப்பாக வைத்துக்கொள்ள பல வழிகளை மக்கள் பயன்படுத்துகின்றனர்.

ஸ்மார்ட்போன் என எடுத்துக்கொண்டால் உங்கள் பேட்டரியின் செயல்பாடு எப்படி இருக்கிறது என்பதை பலரும் கவனிப்பார்கள். நீண்ட நேரம் வீடியோ பார்த்தாலோ, பாட்டு கேட்டாலோ அல்லது கேம் விளையாடினாலோ பேட்டரி எந்தளவிற்கு தாக்குபிடிக்கிறது என்பதை பலரும் பார்ப்பார்கள். இருப்பினும் அது பேட்டரியின் கொள்ளளவு சார்ந்தது என்றாலும், கொஞ்சம் பழைய மொபைல்களில் இந்த பேட்டர் பிரச்னை என்பது பலருக்கும் தலைவலியை கொடுக்கக்கூடியது. 

எச்சரிக்கை மக்களே!

நீங்கள் பயன்படுத்தும் ஸ்மார்ட்போன் 2 ஆண்டுகள் பழைய மாடல் என்றால் பேட்டரி உங்களை கவலைக்குட்படுத்தும் காலம் தொடங்கிவிட்டது எனலாம். இருந்தாலும் பேட்டரியின் சார்ஜை அதிக நேரம் நீடிக்கச் செய்யவும், சார்ஜ் விரைவாக வாடியாமல் இருக்கவும் உங்கள் மொபைல் பயன்பாட்டில் பல விஷயங்களை நாம் பின்பற்றியாக வேண்டும்.

இது ஒருபுறம் இருக்க, இரண்டாம் ஆண்டுகளுக்கு மேல் பயன்படுத்தி வரும் ஸ்மார்ட்போன்களில் பேட்டரி எந்தளவிற்கு ஆரோக்கியமாக இருக்கிறது என்பதை கவனித்துக்கொள்வதும் அவசியமாகிறது. மேலும், உங்கள் பேட்டரியின் ஆரோக்கியத்தை பார்ப்பதன் மூலம் பேட்டரியை உடனடியாத மாற்ற வேண்டுமா அல்லது மோசமான சந்தர்ப்பங்களிலும் மாற்றினால் போதுமா வேண்டுமா என்பதையும் இது உங்களுக்குத் தெரிவிக்கும்.

அந்த வகையில் நீங்கள் Samsung Galaxy ஸ்மார்ட்போனை பயன்படுத்துபவராக இருந்தால், ஃபோன் பேட்டரி நிலையை சரிபார்க்கும் வழிமுறையை இங்கு காணலாம்.

- உங்கள் Samsung Galaxy ஸ்மார்ட்போனில் Samsung உறுப்பினர்கள் பயன்பாட்டைத் திறக்கவும்.

- திரையின் கீழ் பகுதியில் உள்ள Assisstance டேப்பிற்கு செல்லவும்.

- அதில் 'Support' ஆப்ஷனை கிளிக் செய்யவும்.

- அதில் 'Phone Diagnostics' ஆப்ஷனை கிளிக் செய்யவும்.

- அதில் பேட்டரி ஆப்ஷனை தேர்ந்தெடுக்கவும்.

- அதில்  Battery Diagnostics ஆப்ஷனை கிளிக் செய்து செயல்பாடை தொடங்கவும்.

இந்த செயல்முறை முடிந்ததும், உங்கள் மொபைலின் பேட்டரி பழுதுபார்க்கப்பட வேண்டுமா என்பதை அதில் தெரிவிக்கும். மேலும், திரையில் Repair ஆப்ஷனும் காட்டப்படும். மேலும், மற்ற ஆண்ட்ராய்ட் மொபைல்களில் இதேபோன்று, பேட்டரி ஆரோக்கியத்தை காண்பதற்கான செயல்முறைகளை இதில் காணலாம். 

- உங்கள் ஆண்ட்ராய்ட் மொபைலில் Settings செயலியை திறக்கவும்.

- அதில் கீழே ஸ்க்ரால் செய்து பேட்டரி ஆப்ஷனில் கிளிக் செய்யவும்.

- பேட்டரி பிரிவில், கீழே ஸ்க்ரால் செய்து Battery Health ஆப்ஷனை கிளிக் செய்யவும்.

நீங்கள் இதை செய்ததும், கடந்த 24 மணிநேரத்தில் உங்கள் பேட்டரி நிலை திரையில் காட்டப்படும். மேலும் உங்கள் மொபைலின் பேட்டரியை அதிகமாகச் செலவழித்த அனைத்து ஆப்ஸ்களையும் பார்க்கலாம். இங்கிருந்து, பேட்டரி வடிகட்டலைச் சேமிக்க செயலிகளை மூடும்படி கட்டாயப்படுத்தலாம். உங்கள் ஃபோனின் பேட்டரியை அதிகப்படுத்திக் கொண்டிருக்கும் செயலியை நீங்கள் முடக்கலாம்.

இது உங்கள் ஃபோனின் பேட்டரியின் ஒட்டுமொத்த ஆரோக்கியத்தை மேம்படுத்தவில்லை எனில், நீங்கள் எப்போது வேண்டுமானாலும் உங்கள் மொபைலை ரீசெட் செய்து புதியதாகத் தொடங்கலாம் அல்லது பேட்டரி ஆரோக்கிய நிலை உங்கள் ஃபோன் சார்ஜை அதிக நேரம் வைத்திருக்க முடியாது என்பதைக் காட்டினால் புதிய மொபைலை வாங்கலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!