அமைச்சர் மீது பாலியல் குற்றச்சாட்டு!! 15 நாட்களில் பாகிஸ்தானை விட்டு வெளியேறுங்கள்

Pakistan News: பாகிஸ்தானில், ஒரு அமைச்சர் மீது கற்பழிப்பு குற்றம் சாட்டியதற்காக ஒரு அமெரிக்க பதிவரை நாட்டை விட்டு வெளியேற வேண்டும் என்ற  தண்டனை விதிக்கப்படுகிறார். சர்ச்சைக்குரிய அமெரிக்க பதிவர் சிந்தியா ரிச்சியை 15 நாட்களுக்குள் நாட்டை விட்டு வெளியேறுமாறு பாகிஸ்தான் (Pakistan) கேட்டுக் கொண்டுள்ளது. விசா காலம் நீட்டிக்க வேண்டும் என்ற அவரது கோரிக்கையை பாகிஸ்தான் நிராகரித்ததோடு, 15 நாட்களுக்குள் நாட்டை விட்டு வெளியேறும்படி அவருக்கு உத்தரவிட்டது.

இஸ்லாமாபாத் உயர்நீதிமன்றம், நாட்டில் சிந்தியா ரிச்சி (Cynthia Ritchie) தங்குவது குறித்து இறுதி முடிவு எடுக்குமாறு பாகிஸ்தான் அதிகாரிகளுக்கு உத்தரவிட்டதை அடுத்து, பாகிஸ்தான் உள்துறை அமைச்சகம் இந்த முடிவை எடுத்துள்ளது. "ரேடியோ பாகிஸ்தான்" செய்தியின்படி, ரிச்சாவின் விசா நீட்டிக்கப்படாததால் 15 நாட்களுக்குள் நாட்டை விட்டு வெளியேறுமாறு அமைச்சகம் கேட்டுக் கொண்டுள்ளது என செய்தி வெளியாகி உள்ளது. 

உயர்நீதிமன்றத்தில் ஒரு மனுதாரர், இப்திகர் அகமது ரிச்சி ஒரு வெளிநாட்டு நாட்டவர் என்றும், சரியான விசா இல்லாமல் பாகிஸ்தானில் வசிப்பவர் என்றும் கூறியிருந்தார் குறிப்பிடத்தக்கது. ரிச்சியை வீட்டிற்கு திருப்பி அனுப்ப வேண்டும் என்றும் அவர் கோரிக்கை வைத்தார். 

பாகிஸ்தான் முன்னாள் உள்துறை அமைச்சர் ரெஹ்மான் மாலிக் தன்னை பாலியல் பலாத்காரம் செய்ததாக குற்றம் சாட்டிய ரிச்சி ஜூன் மாதம் தனது பேஸ்புக் பக்கத்தில் வீடியோ கிளிப்பை வெளியிட்டிருந்தார். முன்னாள் பிரதமர் யூசுப் ராசா கிலானி மற்றும் மற்றொரு முன்னாள் அமைச்சர் இருவரும் 2011 இல் தாக்கியதாகவும் ரிச்சி குற்றம் சாட்டினார்.