Budget 2021 : Petrol ಬೆಲೆಯಲ್ಲಿ 2.5 ರೂ. Diesel ದರದಲ್ಲಿ 4 ರೂ. ಹೆಚ್ಚಳ

ಪೆಟ್ರೋಲ್ ಮತ್ತು ಡೀಸೆಲ್ ದುಬಾರಿಯಾಗಲು ಸಿದ್ಧವಾಗಿದೆ, ಏಕೆಂದರೆ ಸರ್ಕಾರವು ಪೆಟ್ರೋಲ್ಗೆ 2.5 / ರೂ., ಡೀಸೆಲ್ಗೆ 4 ರೂ. ಕೃಷಿ ಸೆಸ್​ ವಿಧಿಸಿದೆ.

Petrol and diesel are set to get expensive

ನವದೆಹಲಿ : ಇಂಧನ ಮೇಲಿನ ಕೃಷಿ ಸೆಸ್​​ ಏರಿಕೆಯಿಂದಾಗಿ ಶೀಘ್ರದಲ್ಲೇ ಪೆಟ್ರೋಲ್ ಮತ್ತು ಡೀಸೆಲ್ ದುಬಾರಿಯಾಗಲಿದೆ, ಏಕೆಂದರೆ ಸರ್ಕಾರವು ಪ್ರತಿ ಲೀಟರ್ ಪೆಟ್ರೋಲ್ ಮೇಲೆ  2.5 ರೂ. ಕೃಷಿ ಸೆಸ್​ ಮತ್ತು ಪ್ರತಿ ಲೀಟರ್ ಡೀಸೆಲ್ ಬೆಲೆಗೆ  / 4 ರೂ. ಕೃಷಿ ಸೆಸ್​ ವಿಧಿಸಿರುವುದರಿಂದ ಈಗಾಗಲೇ ಗಗನಮುಖಿಯಾಗಿರುವ ಪೆಟ್ರೋಲ್ ಡೀಸೆಲ್ ದರ ಇನ್ನೂ ದುಬಾರಿಯಾಗಲಿದೆ.

ಪೆಟ್ರೋಲ್  (Petrol) ಮತ್ತು ಡೀಸೆಲ್ ಬೆಲೆಗಳು ಈಗಾಗಲೇ ಗಗನಕ್ಕೇರುತ್ತಿದೆ. ಇದೀಗ ಪರಿಷ್ಕೃತ ದರಗಳು ಇಂದು ಮಧ್ಯರಾತ್ರಿಯಿಂದಲೇ ಜಾರಿಯಾಗಲಿದ್ದು ಜನ ಸಾಮಾನ್ಯರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ. 

ಅದಾಗ್ಯೂ, ಪೆಟ್ರೋಲ್ ಮತ್ತು ಡೀಸೆಲ್ ಮೇಲೆ ಕೃಷಿ ಮೂಲಸೌಕರ್ಯ ಮತ್ತು ಅಭಿವೃದ್ಧಿ ಸೆಸ್ (AIDC) ಹೇರಿರುವ ಪರಿಣಾಮವಾಗಿ ಮೂಲ ಅಬಕಾರಿ ಸುಂಕ (BED) ಮತ್ತು ವಿಶೇಷ ಹೆಚ್ಚುವರಿ ಅಬಕಾರಿ ಸುಂಕ (SAED) ಬೆಲೆಗಳನ್ನು ಕಡಿಮೆ ಮಾಡಲಾಗಿದೆ. ಇದರಿಂದ ಗ್ರಾಹಕರಿಗೆ ಹೆಚ್ಚುವರಿ ಹೊರೆ ಆಗುವುದಿಲ್ಲ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್​ (Nirmala Sitharaman) ವಿವರಿಸಿದ್ದಾರೆ.

ಇದನ್ನೂ ಓದಿ - Budget 2021 : ಹಿರಿಯ ನಾಗರಿಕರಿಗೆ ನಿರ್ಮಲಾ ಸೀತಾರಾಮನ್ ಕೊಡುಗೆ : 75 ವರ್ಷ ಮೇಲ್ಪಟ್ಟವರು ಐಟಿ ರಿಟರ್ನ್ ಸಲ್ಲಿಸಬೇಕಿಲ್ಲ

ಪೆಟ್ರೋಲ್ ಮತ್ತು ಡೀಸೆಲ್ (Diesel) ಬೆಲೆಗಳು ತಮ್ಮ ಮೇಲ್ಮುಖ ಪಥವನ್ನು ಮುಂದುವರಿಸಿಕೊಂಡು ದೇಶಾದ್ಯಂತ ಪ್ರತಿದಿನ ಹೊಸ ಗರಿಷ್ಠ ಮಟ್ಟವನ್ನು ತಲುಪುತ್ತಿವೆ. ವಾಸ್ತವವಾಗಿ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ ಇತ್ತೀಚೆಗೆ 86 ರೂ.ಗಳನ್ನು ದಾಟಿದೆ. ವಾಣಿಜ್ಯ ನಗರಿ ಮುಂಬೈನಲ್ಲಿ ಪೆಟ್ರೋಲ್ ಬೆಲೆ ಪ್ರತಿ ಲೀಟರ್‌ಗೆ 93 ರೂ. ತಲುಪಿದೆ. 

ಇದನ್ನೂ ಓದಿ - Budget 2021: ಮುಂಬೈ ಷೇರು ಮಾರುಕಟ್ಟೆಯಲ್ಲಿ ಗೂಳಿ ಜಿಗಿತ, Sensexನಲ್ಲಿ 1650 ಅಂಕಗಳ ಏರಿಕೆ

ದೆಹಲಿಯಲ್ಲಿ ಡೀಸೆಲ್‌ನ ಬೆಲೆ ಪ್ರತಿ ಲೀಟರ್​ಗೆ 76 ರೂ.ಗಳನ್ನು ದಾಟಿದ್ದರೆ, ಮುಂಬೈನಲ್ಲಿ (Mumbai) 83 ರೂ. ರಾಜಸ್ಥಾನದ ಜೈಪುರದಲ್ಲಿ ಡೀಸೆಲ್ ಬೆಲೆ ಶೀಘ್ರದಲ್ಲೇ ಗರಿಷ್ಠ 85 ರೂ. ಮುಟ್ಟುವ  ಸಾಧ್ಯತೆ ಇದೆ. ಈ ಮಧ್ಯೆ ಇಂದು ಮಂದನೆಯಾಗಿರುವ ಬಜೆಟ್ ನಲ್ಲಿ ಇಂಧನ ದರ ಏರಿಕೆಯಿಂದಾಗಿ ಜನಸಾಮಾನ್ಯರಿಗೆ ಶಾಕ್ ನೀಡಿದಂತಾಗಿದೆ.