ʼಅಮಿರ್‌ ಖಾನ್‌ ಇನ್ಸಲ್ಟ್‌ ಹಿಂದೂ ಧರ್ಮ ʼ: ಮತ್ತೆ ಟ್ರೋಲ್‌ಗೆ ಗುರಿಯಾದ ಮಿಸ್ಟರ್ ಪರ್ಫೆಕ್ಷನಿಸ್ಟ್

ಬಾಲಿವುಡ್‌ ನಟ ಅಮಿರ್‌ ಖಾನ್‌ಗೆ ಟ್ರೋಲಿಂಗ್ ಕಾಟ ತಪ್ಪುತ್ತಿಲ್ಲ. ಸದ್ಯ ಅಮಿರ್‌ ಖಾನ್‌ ಮತ್ತು ಕಿಯಾರಾ ಅಡ್ವಾಣಿ ಒಳಗೊಂಡ ಬ್ಯಾಂಕ್‌ನ ಜಾಹೀರಾತಿನ ಮೇಲೆ ಹಿಂದೂ ಧಾರ್ಮಿಕ ಭಾವನೆಗಳನ್ನು ಘಾಸಿಗೊಳಿಸಿದ ಆರೋಪ ಕೇಳಿ ಬಂದಿದೆ.

ನವದೆಹಲಿ : ಬಾಲಿವುಡ್‌ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಅಮಿರ್‌ ಖಾನ್‌ಗೆ ಟ್ರೋಲಿಂಗ್ ಕಾಟ ತಪ್ಪುತ್ತಿಲ್ಲ. ಸದ್ಯ ಅಮಿರ್‌ ಖಾನ್‌ ಮತ್ತು ಕಿಯಾರಾ ಅಡ್ವಾಣಿ ಒಳಗೊಂಡ ಬ್ಯಾಂಕ್‌ನ ಜಾಹೀರಾತಿನ ಮೇಲೆ ಹಿಂದೂ ಧಾರ್ಮಿಕ ಭಾವನೆಗಳನ್ನು ಘಾಸಿಗೊಳಿಸಿದ ಆರೋಪ ಕೇಳಿ ಬಂದಿದೆ. ಈ ಕುರಿತು ಇಂಟರ್‌ನೆಟ್‌ನಲ್ಲಿ ಭಾರಿ ಚರ್ಚೆ ನಡಿತಿದೆ. ಅಲ್ಲದೆ, ಈ ವಿವಾದದ ಬಗ್ಗೆ 'ದಿ ಕಾಶ್ಮೀರ್ ಫೈಲ್ಸ್' ಚಿತ್ರ ನಿರ್ಮಾಪಕ ವಿವೇಕ್ ಅಗ್ನಿಹೋತ್ರಿ ಪ್ರತಿಕ್ರಿಯಿಸಿ ಜಾಹೀರಾತು ಮೇಕರ್‌ಗೆ ಈಡಿಯಟ್ಸ್‌ ಎಂದು ಬೈದಿದ್ದಾರೆ.

ವಿವೇಕ್ ಅಗ್ನಿಹೋತ್ರಿ ಅವರು ತಮ್ಮ ಟ್ವಿಟರ್‌ ಖಾತೆಯಲ್ಲಿ, "ಯಾವಾಗಿನಿಂದ ಬ್ಯಾಂಕ್‌ಗಳು ಸಾಮಾಜಿಕ ಮತ್ತು ಧಾರ್ಮಿಕ ಸಂಪ್ರದಾಯಗಳನ್ನು ಬದಲಾಯಿಸಲು ಪ್ರಾರಂಭಿಸಿದವು..? ನನಗೆ ಇದು ಅರ್ಥವಾಗಲೇ ಇಲ್ಲ... ಮೊದಲು ಭ್ರಷ್ಟ ಬ್ಯಾಂಕಿಂಗ್ ವ್ಯವಸ್ಥೆಯನ್ನು ಬದಲಾಯಿಸಿ. ಈ ರೀತಿ ಮಾಡ್ತೀರಾ ಮತ್ತೆ ಹಿಂದೂಗಳು ಟ್ರೋಲ್‌ ಮಾಡ್ತಾರೆ ಅಂತ ಆರೋಪ ಮಾಡ್ತೀರಾ.. ಈಡಿಯಟ್ಸ್" ಎಂದು ಅಗ್ನಿಹೋತ್ರಿ ಎಯು ಬ್ಯಾಂಕ್‌ ಇಂಡಿಯಾ ಜಾಹೀರಾತಿನ ವಿರುದ್ಧ ಕಿಡಿಕಾರಿದ್ದಾರೆ.

ಇದನ್ನೂ ಓದಿ: ಅಕ್ಟೋಬರ್ 14 ರಿಂದ ಬಾಲಿವುಡ್ ನಲ್ಲೂ "ಕಾಂತಾರ"ದ ಹವಾ ಶುರು

I just fail to understand since when Banks have become responsible for changing social & religious traditions? I think @aubankindia should do activism by changing corrupt banking system.
Aisi bakwaas karte hain fir kehte hain Hindus are trolling. Idiots.pic.twitter.com/cJsNFgchiY

— Vivek Ranjan Agnihotri (@vivekagnihotri) October 10, 2022

ಇನ್ನು ಸದಾ ಟ್ರೋಲ್‌ಗೆ ಒಳಗಾಗುತ್ತಿರುವ ಅಮಿರ್‌ ಖಾನ್‌ ಸದ್ಯ ಈ ಜಾಹೀರಾತಿನ ಮೂಲಕ ಮುನ್ನೆಲೆಗೆ ಬಂದಿದ್ದಾರೆ. ಟ್ಟಿಟರ್‌ನಲ್ಲಿ ಅಮಿರ್‌ ಖಾನ್‌ ಇನ್ಸಲ್ಟ್‌ ಹಿಂದೂ ಎಂಬ ಹ್ಯಾಷ್‌ ಟ್ಯಾಗ್‌ ಸಖತ್‌ ಸದ್ದು ಮಾಡುತ್ತಿದೆ. ನೆಟ್ಟಿಗರು ಖಾನ್‌ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಹಿಂದೆ ಲಾಲ್ ಸಿಂಗ್ ಚಡ್ಡಾ ಸಿನಿಮಾ ಸೋಲಿಗೂ ಅಮಿರ್‌ ಖಾನ್‌ ಹೇಳಿಕೆ ಕಾರಣವಾಗಿತ್ತು. ಸದ್ಯ ಈ ಜಾಹೀರಾತು ಖಾನ್‌ನ ಮುಂಬರುವ ಸಿನಿಮಾಗಳ ಮೇಲೆ ಯಾವ ರೀತಿ ಪ್ರಭಾವ ಬೀರಲಿದೆ ಎಂದು ಕಾಯ್ದು ನೋಡಬೇಕಿದೆ.