ದಿ ಕೇರಳ ಸ್ಟೋರಿ ʼಹೊಸ ರೀತಿಯ ಭಯೋತ್ಪಾದನೆʼಯನ್ನು ಬಹಿರಂಗಪಡಿಸುತ್ತಿದೆ

The kerala Story : ಬಾಲಿವುಡ್ ನಟಿ ಅದಾ ಶರ್ಮಾ ಅವರ ಚಿತ್ರವು ಮೇ 5 ರಂದು ಬಿಡುಗಡೆಯಾದಾಗಿನಿಂದ ಭರ್ಜರಿ ಕಲೆಕ್ಷನ್‌ ಮಾಡುತ್ತಿದೆ. ಚಿತ್ರವು ಬಿಡುಗಡೆಯಾಗುವ ಮೊದಲೇ ವಿವಾದಕ್ಕೆ ಸಿಲುಕಿತು ಮತ್ತು ರಾಜಕೀಯ ಗದ್ದಲದಿಂದ ಹೆಚ್ಚು ಗಮನ ಸೆಳೆಯಿತು. ಅನೇಕ ಸಂಘಟನೆಗಳು ಮತ್ತು ಮುಖಂಡರಿಂದ ಹಿನ್ನಡೆಯನ್ನು ಎದುರಿಸಿದ ನಂತರವೂ, ಕೇರಳ ಸ್ಟೋರಿ ಅದ್ಭುತವಾಗಿ ಸೆಟ್ಟೆರಿದೆ.

JP Nadda : ಚಿತ್ರದ ಟ್ರೇಲರ್ ಬಿಡುಗಡೆಯಾದ ಕೂಡಲೇ, 'ಕೆಟ್ಟ ರೀತಿಯ ದ್ವೇಷ ಭಾಷಣ' ಮತ್ತು 'ಶ್ರಾವ್ಯ-ದೃಶ್ಯ ಪ್ರಚಾರ' ಆಧಾರದ ಮೇಲೆ ಅದರ ವಿರುದ್ಧ ಅರ್ಜಿಯನ್ನು ಸಲ್ಲಿಸಲಾಯಿತು. ಅನೇಕ ರಾಜಕೀಯ ಮುಖಂಡರು ಚಲನಚಿತ್ರವನ್ನು ಟೀಕಿಸಿದರು ಮತ್ತು ಇದು ಕಟ್ಟು ಕಥೆ ಮತ್ತು '32000 ಮಹಿಳೆಯರು' ಸಂಖ್ಯೆ ನಕಲಿ ಎಂದು ಸುಳ್ಳು ಹೇಳಿಕೆಗಳನ್ನು ನೀಡುತ್ತಿದ್ದಾರೆ ಎಂದು ಹೇಳಿದ್ದರು. 

ಈ ಸಿನಿಮಾ ಭರ್ಜರಿಯಾಗಿ ಸೆಟ್ಟೇರಿ, ಸಖತ್‌ ಕಲೆಕ್ಷನ್‌ ಮಾಡುತ್ತಿದ್ದು, ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಅವರು ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆಯ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಬುಧವಾರ ಹಾವೇರಿಯಲ್ಲಿ ಮಾತನಾಡಿದ ಸಂದರ್ಭದಲ್ಲಿ ವಿವಾದಾತ್ಮಕ ಚಿತ್ರ 'ದಿ ಕೇರಳ ಸ್ಟೋರಿ' ಮದ್ದುಗುಂಡುಗಳನ್ನು ಬಳಸದ 'ಹೊಸ ರೀತಿಯ ಭಯೋತ್ಪಾದನೆ'ಯನ್ನು ಬಹಿರಂಗಪಡಿಸುತ್ತದೆ ಎಂದು ಹೇಳಿದ್ದಾರೆ. 

#WATCH | "There's a new type of terrorism which is without ammunition, 'Kerala Story' exposes that poisonous terrorism. This kind of terrorism isn't related to any state or religion...": BJP chief JP Nadda speaks about the film 'The Kerala Story' after watching the movie in… pic.twitter.com/lkJcvuJfdD

— ANI (@ANI) May 7, 2023

ಇದನ್ನೂ ಓದಿ-ʼಮದುವೆಗಾಗಿ ಮತಾಂತರʼ ಖುಷ್ಬೂ ವಿರುದ್ಧ ಟೀಕೆ; ನೆಟ್ಟಿಗರ ಪ್ರಶ್ನೆಗೆ ನಟಿಯ ಉತ್ತರವೇನು..?

ಈ ಬಗ್ಗೆ ಮುಂದುವರೆದು ಮಾತನಾಡಿದ ಅವರು “ನಾನು ಕೇರಳ ಸ್ಟೋರಿಯನ್ನು ನೋಡಿದೆ. ಹೊಸ ರೀತಿಯ ಭಯೋತ್ಪಾದನೆಯ ಬಗ್ಗೆ ನಮಗೆ ತಿಳಿದಿದೆ ... ನಾವು ಬುಲೆಟ್‌ಗಳು, ಬಾಂಬ್‌ಗಳು ಮತ್ತು ಸ್ವಯಂಚಾಲಿತ ಶಸ್ತ್ರಾಸ್ತ್ರಗಳನ್ನು ಭಯೋತ್ಪಾದನೆಗಾಗಿ ಬಳಸುತ್ತಿರುವ ಬಗ್ಗೆ ಕೇಳಿದ್ದೇವೆ. ಆದಾಗ್ಯೂ, ಮದ್ದುಗುಂಡುಗಳಿಲ್ಲದ ಅಪಾಯಕಾರಿ ರೀತಿಯ ಭಯೋತ್ಪಾದನೆ ಇದೆ. ಈ ಚಿತ್ರವು ಅಂತಹ 'ವಿಷಪೂರಿತ' ಭಯೋತ್ಪಾದನೆ ಮತ್ತು ಅದರ ಹಿಂದಿನ ಪಿತೂರಿಯನ್ನು ಯಶಸ್ವಿಯಾಗಿ ಬಹಿರಂಗಪಡಿಸುತ್ತದೆ" ಎಂದು ಬೆಂಗಳೂರಿನಲ್ಲಿ ಭಾನುವಾರ ರಾತ್ರಿ ಬಿಜೆಪಿ ಮುಖ್ಯಸ್ಥರು ಪಕ್ಷ ಆಯೋಜಿಸಿದ್ದ ವಿಶೇಷ ಪ್ರದರ್ಶನದಲ್ಲಿ ಚಲನಚಿತ್ರವನ್ನು ವೀಕ್ಷಿಸಿದ ನಂತರ ಹೇಳಿದರು. ಇದಲ್ಲದೇ ಈ ಹೊಸ ರೀತಿಯ ಭಯೋತ್ಪಾದನೆಯನ್ನು ನಿರ್ದಿಷ್ಟ ರಾಜ್ಯ ಅಥವಾ ಧರ್ಮದೊಂದಿಗೆ ಸಂಬಂಧಿಸಬಾರದು ಎಂದು ನಡ್ಡಾ ಎಚ್ಚರಿಸಿದ್ದಾರೆ. 

'ದಿ ಕೇರಳ ಸ್ಟೋರಿ' ಬಿಡುಗಡೆಗೆ ತಡೆಯಾಜ್ಞೆ ನೀಡಲು ನಿರಾಕರಿಸಿದ ಕೇರಳ ಹೈಕೋರ್ಟ್‌ನ ಇತ್ತೀಚಿನ ಆದೇಶವನ್ನು ಉಲ್ಲೇಖಿಸಿದ ಅವರು, ತಡೆಯಾಜ್ಞೆ ನೀಡಲು ನಿರಾಕರಿಸಿದ ನ್ಯಾಯಾಲಯವು 'ಗಂಭೀರ ಅವಲೋಕನ' ಮಾಡಿದೆ ಮತ್ತು “ನಮ್ಮ ಯುವಕರು ದಾರಿತಪ್ಪಿದವರು, ಈ ಚಲನಚಿತ್ರವು ಅವರಿಗೆ ಮತ್ತು ಸಮಾಜಕ್ಕೆ ಮತ್ತು ದೊಡ್ಡವರಿಗೆ ಕಣ್ಣು ತೆರೆಸುತ್ತದೆ. ಎಲ್ಲರೂ ಇದನ್ನು ವೀಕ್ಷಿಸಬೇಕು, ”ಎಂದು ಅವರು ಹೇಳಿದರು.