Bengal Election: 'ಬಿಜೆಪಿ ಹಿಂಬಾಲಿಸಿದ್ರೆ ಧರ್ಮ ಬಿಡಬೇಕಾದಿತು ಎಚ್ಚರ'

ಪಶ್ಚಿಮ ಬಂಗಾಳ: ಬಿಜೆಪಿಯನ್ನು ಹಿಂಬಾಲಿಸಿದರೆ ನೀವು ನಿಮ್ಮ ಧರ್ಮದಿಂದ ವಿಮುಖರಾಗಬೇಕಾಗುತ್ತದೆ ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮತದಾರರಿಗೆ ಎಚ್ಚರಿಕೆ ನೀಡಿದ್ದಾರೆ.

ಇಲ್ಲಿನ ಜರ್‌ಗ್ರಾಮ್‌ನಲ್ಲಿ ಚುನಾವಣಾ ಪ್ರಚಾರ ಸಭೆ ಉದ್ದೇಶಿಸಿ ಮಾತನಾಡಿದ ಮಮತಾ ಬ್ಯಾನರ್ಜಿ(Mamata Banerjee), ಬಿಜೆಪಿ ನಿಮ್ಮಿಂದ ನಿಮ್ಮ ಧರ್ಮವನ್ನು ಕಸಿಯಲಿದೆ ಎಂದು ಮತದಾರರನ್ನು ಎಚ್ಚರಿಸಿದರು.

ಬಿಜೆಪಿ(BJP) ನಿಮ್ಮನ್ನು ಜೈ ಶ್ರೀರಾಮ್ ಘೋಷಣೆ ಕೂಗುವಂತೆ ಒತ್ತಾಯ ಮಾಡುತ್ತದೆ. ಆದರೆ ಅದು ಜೈ ಸೀಯಾ ರಾಮ್ ಘೋಷಣೆ ಕೂಗಲು ಬಿಡುವುದಿಲ್ಲ. ನಾವು ಯಾವಾಗಲೂ ಜೈ ಸೀಯಾ ರಾಮ್ ಎಂದೇ ಹೇಳುತ್ತೇವೆ ಎಂದು ಮಮತಾ ಬ್ಯಾನರ್ಜಿ ಹೇಳಿದರು.

ಪ್ರಭು ಶ್ರೀರಾಮ ಮಾ ದುರ್ಗೆಯನ್ನು ಅತ್ಯಂತ ಗೌರವದಿಂದ ಪೂಜಿಸುತ್ತಿದ್ದ. ಮಾ ದುರ್ಗೆ ಶ್ರೀರಾಮ(Sriram)ನಗಿಂತ ಉನ್ನತ ಸ್ಥಾನದಲ್ಲಿರುವವಳು ಎ ಂದು ಮಮತಾ ಬ್ಯಾನಾರ್ಜಿ ನುಡಿದರು.

Don’t vote for BJP otherwise, you won't be able to follow your 'dharma'. You will have to say 'Jai Shree Ram', you will not be able to say 'Jai Siya Ram'. Lord Ram used to worship Maa Durga because she is much bigger in stature: West Bengal CM Mamata Banerjee in Jhargram pic.twitter.com/P7aynkIgZz

— ANI (@ANI) March 17, 2021

ಪಶ್ಚಿಮ ಬಂಗಾಳದಲ್ಲಿ ಬಿಜೆಪಿಯನ್ನು ಸೋಲಿಸಲು ಅದರದ್ದೇ ಹಿಂದುತ್ವದ ಕಾರ್ಡ್‌ನ್ನು ಬಳಸಲು ಆರಂಭಿಸಿರುವ ಮಮತಾ ಬ್ಯಾನರ್ಜಿ, ತಾವೂ ಕೂಡ ಧಾರ್ಮಿಕ ಮನೋಭಾವವುಳ್ಳವರು ಎಂದು ಬಿಂಬಿಸಲು ಪ್ರಯತ್ನಿಸುತ್ತಿದ್ದಾರೆ.

ಮಮತಾ ಸಾರ್ವಜನಿಕ ಸಭೆಗಳಲ್ಲಿ ಚಂಡಿಪಥೈ ಮುಂತಾದ ಹಿಂದೂ ಶ್ಲೋಕಗಳನ್ನು ಉಚ್ಚರಿಸುತ್ತಿದ್ದು, ಹಿಂದುತ್ವ (Hindutva)ಬಿಜೆಪಿಯ ಸ್ವತ್ತಲ್ಲ ಎಂದು ಜನತೆಗೆ ಮನವರಿಕೆ ಮಾಡಿಕೊಡುವ ಪ್ರಯತ್ನದಲ್ಲಿದ್ದಾರೆ.

ಆದರೆ ಮಮತಾ ಅವರ ಹಿಂದುತ್ವದ ಕಾರ್ಡ್(Card)‌ಗೆ ತಿರುಗೇಟು ನೀಡಿರುವ ಬಿಜೆಪಿ, ತನ್ನಿಂದಾಗಿ ಮಮತಾ ಹಿಂದೂ ಮಂತ್ರಗಳಖನ್ನು ಜಪಿಸುವಂತಾಗಿದ್ದು ನಿಜಕ್ಕೂ ಸಂತಸದ ಸಂಗತಿ ಎಂದು ಕುಹುಕವಾಡಿದೆ.