Budget 2022: PPF खातेधारकांसाठी आनंदाची बातमी! गुंतवणुकीची मर्यादा दुप्पट?, अर्थसंकल्पात घोषणा होऊ शकते

मुंबई : Union Budget 2022: आज अर्थमंत्री निर्मला सीतारामन 2022-23 या  वर्षासाठीचा केंद्रीय अर्थसंकल्प 2022-23 सादर करतील. त्यासाठीची तयारी पूर्ण झाली आहे. 2022 च्या अर्थसंकल्पापूर्वी, अर्थमंत्री निर्मला सीतारामन यांनी सोमवारी सादर केलेल्या आर्थिक सर्वेक्षणात असे स्पष्ट केले आहे की देशात अशा प्रकारच्या आयात धोरणाची गरज आहे जे संतुलित असेल.

भारतीय चार्टर्ड अकाउंटंट्स संस्थेने (ICAI) देखील आपल्या शिफारसी पाठवल्या आहेत आणि PPF ची कमाल वार्षिक ठेव मर्यादा 3 लाख रुपये करण्याची शिफारस केली आहे. आज केंद्रीय अर्थमंत्री निर्मला सीतारामन संसदेत वार्षिक अर्थसंकल्प सादर करणार आहेत. जागतिक महामारीशी झुंज देत असलेल्या अर्थव्यवस्थेमध्ये हा अर्थसंकल्प खूप खास आहे, कारण लोकांना या अर्थसंकल्पाकडून खूप आशा आहेत.

ICAI ने शिफारस केली आहे

अहवालानुसार, इन्स्टिट्यूट ऑफ चार्टर्ड अकाउंटंट्सने (ICAI)अर्थमंत्री निर्मला सीतारामन यांना पब्लिक प्रॉव्हिडंट फंडामधील  (PPF) गुंतवणुकीची कमाल मर्यादा सध्याच्या 1.5 लाख रुपयांवरून 3 लाख रुपये करण्याची सूचना केली आहे.

'पीपीएफ ही एकमेव सुरक्षित आणि कर प्रभावी बचत योजना'

ICAI ने शिफारसीमध्ये म्हटले आहे की PPF ची ठेव मर्यादा वाढवणे आवश्यक आहे, कारण ही एकमेव सुरक्षित आणि कर-प्रभावी बचत योजना आहे. ICAI ने असेही म्हटले आहे की त्याचा विश्वास आहे की PPF ठेव मर्यादा वाढल्याने GDP च्या टक्केवारीच्या रूपात घरगुती बचतीला चालना मिळेल आणि त्याचा महागाईविरोधी प्रभाव पडेल.

ICAI च्या प्रमुख सूचना

- PPF मध्ये योगदानाची वार्षिक मर्यादा सध्याच्या 1.5 लाख रुपयांवरून 3 लाख रुपये करण्यात यावी.

- कलम CCF अंतर्गत कपातीची कमाल मर्यादा 1.5 लाख रुपयांवरून 3 लाख रुपये केली जाऊ शकते.

लोकांना मोठ्या प्रमाणात बचतीच्या संधी उपलब्ध करून देण्यासाठी कलम 80C अंतर्गत कपातीची रक्कम रु. 1.5 लाख वरून 2.5 लाख रुपये करण्यात येत आहे.केंद्रीय अर्थसंकल्प 2022-23 1 फेब्रुवारी 2022 रोजी अर्थमंत्री निर्मला सीतारामन संसदेत सादर करतील.

PPF म्हणजे काय?

सार्वजनिक भविष्य निर्वाह निधी किंवा PPF हा भारतातील सर्वात लोकप्रिय, दीर्घकालीन गुंतवणूक पर्यायांपैकी एक आहे. निवृत्तीनंतर दीर्घकाळ बचत करण्यासाठी गुंतवणूकदारांसाठी ही बचत योजना आहे.

पीपीएफमधील गुंतवणुकीवर हे फायदे 

तज्ज्ञांच्या मते, एखाद्याच्या जीवन साथीदाराच्या नावाने पीपीएफ खाते उघडल्यास गुंतवणूकदाराच्या पीपीएफ गुंतवणुकीची मर्यादा दुप्पट होईल, तरीही आयकर सूट मर्यादा 1.5 लाख रुपये असेल. तुम्हाला 1.5 लाख आयकर सवलत मिळाली असली तरी त्याचे इतरही अनेक फायदे आहेत. PPF गुंतवणुकीची मर्यादा दुप्पट होऊन 3 लाख रुपये होईल. E-E-E श्रेणीमध्ये असल्याने, गुंतवणूकदाराला PPF च्या व्याज आणि परिपक्वता रकमेवर कर सूट मिळते.

क्लबिंग तरतुदींचा कोणताही परिणाम होत नाही. तुम्ही तुमच्या पत्नीला दिलेल्या कोणत्याही रकमेतून किंवा भेटवस्तूतून मिळणारे उत्पन्न आयकर कलम 64 अंतर्गत तुमच्या उत्पन्नात जोडले जाईल. तथापि, PPF च्या बाबतीत जे EEE मुळे पूर्णपणे करमुक्त आहे, क्लबिंगच्या तरतुदींचा कोणताही परिणाम होणार नाही.