UP Assembly Election Result 2022: युपीमध्ये पुन्हा 'योगीराज'! भाजपच्या विजयाची महत्वाची कारणं

लखनऊ : उत्तर प्रदेशची सत्ता काबीज करण्यासाठी गेले अनेक महिने सुरू असलेल्या राजकीय लढाईचा निकाल आज जनतेसमोर आला. सपाच्या लाखो प्रयत्नांनंतरही यूपीमध्ये भाजपचा झेंडा पुन्हा फडकत आहे. या निकालावरून हे स्पष्ट झाले आहे की, लोकांना यूपीमधील डबल इंजिन सरकार खरोखरच पसंत आहे.

भाजपच्या या विजयामागे अशा अनेक गोष्टी आहेत, ज्यांनी या पाच वर्षात विरोधकांच्या प्रत्येक प्रयत्नाला धूळ चारली.  जाणून घेऊया महत्वाच्या १० गोष्टी

कायदा आणि सुव्यवस्था आणि गुन्हेगारांवर कारवाई

2017 मध्ये जेव्हा योगी आदित्यनाथ यांनी यूपीच्या मुख्यमंत्रीपदाची सूत्रे हाती घेतली तेव्हापासून गुन्हेगारीला आळा घालण्यासाठी मोठे प्रयत्न करण्यात आले. त्यानंतर गुन्हेगारीचा आलेख कमी होऊ लागला.

गेल्या पाच वर्षांत माफियांची कोट्यवधींची मालमत्ताही जप्त करण्यात आली. बाहुबली लीडर मुन्ना बजरंगीवर केलेल्या जबर कारवाईने माफीया हादरले.

समाजवादी पक्षाची प्रतिमा डागाळली

उत्तर प्रदेशात योगी सरकारसमोर समाजवादी पक्ष सर्वात मोठा विरोधीपक्ष होता. परंतू गुन्हेगारीला मुक पाठिंबा असल्याची आपली प्रतिमा ते सुधारू शकले नाही. त्याचा परिणाम या निवडणुकीतही दिसून आला.

केवळ विकासाच्या नावावर मते मागून भाजपने सपा आणि बसपाचे डाव उधळून लावले. अखिलेश यादव यांनी पुन्हा एकदा विकासाच्या नावाखाली निवडणूक जिंकण्याचा प्रयत्न केला. परंतू लोकांनी त्यांच्यावर विश्वास न ठेवता पुन्हा भाजपला पाठिंबा दिला.

मोदी लाट कायम

युपीमध्ये नरेंद्र मोदी यांची लोकप्रियता अजूही कायम आहे असे दिसून येत आहे. यूपीमध्ये भाजपच्या विजयाचे हेही सर्वात मोठे कारण आहे. निवडणुकीच्या काही महिन्यांपूर्वी पीएम मोदींनी युपीच्या अनेक जिल्ह्यांमध्ये रॅली काढल्या. त्यांच्या रॅलीला मिळणारा प्रतिसाद पाहता भाजपच्या विजयाचा विश्वास बळावला होता.

उत्तर प्रदेशात विकासाचे वारे

उत्तर प्रदेशात पायाभूत सुविधांपासून ते कायदा आणि सुव्यवस्थेपर्यंत झालेली कामे आणि घेतलेले निर्णय लोकांच्या पसंतीस उतरले आहेत. आरोग्य क्षेत्रातही योगी सरकारने अनेक अभूतपूर्व कामे केली आहेत. 59 जिल्ह्यांमध्ये किमान 1 वैद्यकीय महाविद्यालय स्थापन करण्यात आले.

16 जिल्ह्यांमध्ये पीपीपी मॉडेलवर वैद्यकीय महाविद्यालये सुरू करण्याची प्रक्रिया सुरू आहे. गोरखपूर, रायबरेली एम्सचे  कामकाज सुरू झाले आहे. महायोगी गुरु गोरखनाथ आयुष विद्यापीठ, गोरखपूरचे बांधकाम सुरू झाले आहे. पीएम जन आरोग्य योजनेअंतर्गत 6 कोटी 47 लाखांहून अधिक लोकांना विमा संरक्षण मिळाले आहे.

42.19 लाख लोकांना मुख्यमंत्री जन आरोग्य योजनेचे विमा संरक्षण. 

लखनौमध्ये अटल बिहारी वाजपेयी वैद्यकीय विद्यापीठाचे बांधकाम सुरू असून, ६ नवीन सुपर स्पेशालिटी मेडिकल ब्लॉक्सची स्थापना. राज्यभरात ४४७० रुग्णवाहिका कार्यरत आहेत. ९५१२ डॉक्टर आणि पॅरा मेडिकल स्टाफची नियमित/कंत्राटीवर भरती करण्यात आली आहे. डॉक्टरांचे निवृत्तीचे वय ६० वरून ६२ वर्षे केले.

उत्तर प्रदेशात रस्त्यांचे जाळे 

• 14,471 किमी रस्ता रुंदीकरण/मजबुतीकरण
• 3,49,274 किमीचे रस्ते खड्डेमय झाले आहेत
• 15,286 किमी नवीन रस्त्यांचे बांधकाम आणि 925 लहान आणि मोठे पुलांचे बांधकाम
• 124 लांब पूल, 54 रेल्वे उड्डाणपूल पूर्ण, 355 लहान पूल प्रगतीपथावर
• तहसील मुख्यालय आणि ब्लॉक मुख्यालय यांना दोन लेन रस्त्याने जोडण्याचे काम प्रगतीपथावर आहे
• राज्याच्या सीमेला लागून असलेल्या राष्ट्रीय आणि आंतरराष्ट्रीय सीमेला जोडणाऱ्या ८२ रस्त्यांसाठी १७५९ कोटी रुपये खर्चून ९२९ किमी लांबीचे काम प्रगतीपथावर आहे.

 नोएडा, लखनौ, गाझियाबाद, कानपूर, आग्रा, मेरठ, गोरखपूर, वाराणसी, प्रयागराज आणि झाशी येथे 10 मेट्रो रेल्वे प्रकल्प

योगी सरकारचं शेतकऱ्यांच्या हितासाठी काम

• 86 लाख शेतकऱ्यांची 36 हजार कोटींची कर्जमाफी
• ऊस शेतकऱ्यांनी 1.44 लाख कोटींहून अधिक उसाला भाव 
• 476 लाख मेट्रिक टन साखरेचे विक्रमी उत्पादन
• पंतप्रधान किसान सन्मान निधी योजनेअंतर्गत दोन कोटी 53 लाख 98 हजार शेतकऱ्यांना 37,388 कोटी रुपये हस्तांतरित
• 2399 लाख मेट्रिक टन अन्नधान्य उत्पादन
• पंतप्रधान पीक विमा योजनेत शेतकऱ्यांना 2376 कोटींची भरपाई
• शेतकऱ्यांना ४ लाख ७२ हजार कोटी रुपयांचे पीक कर्ज दिले
• 45 कृषी उत्पादन बाजार शुल्क मुक्त
• मंडी फी एक टक्क्याने कमी
• 220 मंडयांचे आधुनिकीकरण
• 291 ई नाम मंडीची स्थापना