9 Apr 2024, 20:31 वाजता
मनसेचा महायुतीला बिनशर्त पाठिंबा
Raj Thackeray Live Marathi News LIVE Today : एकाला संधी होती पण त्याला तील कळलीच नाही...माझाकडे चिन्ह आयतं आलेलं नाही...रेल्वेचं इंजिन तुमच्या कष्टावर कमवलेलं चिन्ह...चिन्हावर कोणताही तडजोड होणार नाही..जागावाटपाबाबत चर्चा झाली...याच विषयावर मला एकदा काय ते जाणून घ्याचं होतं...शिवसेनेमुळे भाजपसोबत संबंध आले...संबंध राजकारणाच्या पलीकडे होते...माझा जन्म झाला, त्याच घरात शिवसेनेचा जन्म.विधानसभेच्या तयारीला लागा.'नरेंद्र मोदींसाठी बिनशर्त पाठिंबा'..मनसेचा महायुतीला बिनशर्त पाठिंबा
9 Apr 2024, 20:17 वाजता
'शिवसेना प्रमुख व्हायचं, तर तेव्हाच झालो असतो', राज ठाकरेंचं वक्तव्य
Raj Thackeray Live Marathi News LIVE Today : ज्या डॉक्टर्स, नर्सवर निवडणुकीची जबाबदारी आहे...त्यांनी निवडणुकीच्या कामाला जाऊ नये...तुम्हाला नोकरीवरून कोण काढतो हे पाहतो...डॉक्टर मतदारांच्या नाड्या तपासणार?.. राज ठाकरेंचा राज्य सरकारला सवाल..अमित शाहांच्या भेटीनंतर चर्चा सुरु झाल्या...शाहांच्या भेटीनंतर बोलायला माझ्याकडे काही नव्हतं...12 तास थांबावं लागलं नाही...दुसऱ्या दिवशीची भेट ठरली होती..शिंदे सेनेचे प्रमुख होणार, अशा बातम्या...प्रमुख व्हायचं, तर तेव्हाच झालो असतो...कुणाच्याही हाताखाली काम करणार नाही...मी मनसेचाच अध्यक्ष राहणार..एखादी गोष्ट ठरली तर ती पत्रकार परिषदेत सांगेन... राज ठाकरे यांची माहिती
9 Apr 2024, 19:13 वाजता
अहमदनगरमध्ये मांजरीला वाचवताना 6 जण बायोगॅसच्या खड्ड्यात बुडाले
Cat Rescue Accident : अहमदनगरमध्ये मांजरीला वाचवताना सहा जण बायोगॅसच्या खड्ड्यात बुडाले... नेवासा तालुक्यातील वाकडी गावात ही दुर्घटना घडली. बायोगॅसच्या खड्ड्यात पडलेल्या मांजरीला वाचवण्यासाठी एकजण उतरला... तो बुडत असताना त्याला वाचवण्याच्या प्रयत्नात आणखी पाचजण बुडाले... बायोगॅसचा हा खड्डा शेणाने भरलेला आहे. त्यापैकी एकाला वाचवण्यात यश आलंय. पोलीस आणि तहसीलदार घटनास्थळी दाखल झालेत.
बातमीचा व्हिडीओ पाहा-
9 Apr 2024, 18:40 वाजता
'राज ठाकरे वाघ माणूस, दिल्लीपुढे झुकणार नाहीत',विजय वडेट्टीवारांचं वक्तव्य
Vijay Wadettivar on Raj Thackeray : राज ठाकरे हे वाघ माणूस आहेत.. मात्र त्यांचा कोल्हा करण्याचा प्रयत्न सत्ताधा-यांकडून होत असल्याची टीका विरोधी पक्षनेते विजय वडेट्टीवारांनी केलीय.. राज ठाकरेंना पिंज-यात अडकवण्याचे प्रयत्न सुरु असल्याचंही वडेट्टीवार म्हणाले.. मनसेचा गुढीपाडवा मेळावा आज शिवाजी पार्कवर होतोय. त्यापार्श्वभूमीवर राज ठाकरे महायुतीला साथ देणार का.. राज ठाकरे कोणती मोठी घोषणा करणार याकडे सर्वांचं लक्ष लागलंय. त्याआधीच विजय वडेट्टीवारांनी टीका केलीय..
बातमीचा व्हिडीओ पाहा-
9 Apr 2024, 17:35 वाजता
'पवार आडनाव असेल तिथेच मतदान करा', अजित पवारांचं आवाहन
Ajit Pawar : पवार आडनाव असेल तिथेच मतदान करा असं आवाहन उपमुख्यमंत्री अजित पवारांनी आज बारामतीत केलंय.. 1991 मध्ये मला निवडून दिलं. मग साहेबांना निवडून दिलं.. त्यानंतर लेकीला निवडून दिलं. तेव्हा आता सुनेला म्हणजे सुनेत्राला निवडून द्या असं आवाहन अजित पवारांनी केलंय..
बातमीचा व्हिडीओ पाहा-
9 Apr 2024, 17:08 वाजता
मुंबई काँग्रेस अध्यक्ष वर्षा गायकवाड नाराज
Varsha Gaikwad : मुंबईतल्या लोकसभा जागा वाटपावरुन महाविकास आघाडीत नाराजी नाट्य दिसतंय.. दक्षिण मध्य लोकसभा मतदारसंघ काँग्रेसला न दिल्याने मुंबई काँग्रेस अध्यक्षा वर्षा गायकवाड नाराज असल्याची चर्चा आहे.. मविआच्या संयुक्त पत्रकार परिषदेलाही त्या उपस्थित राहिल्या नाहीत.. वर्षा गायकवाड दक्षिण मध्य मुंबईतून निवडणूक लढण्यासाठी इच्छुक होत्या.. मुंबईत काँग्रेसला केवळ 2 जागा दिल्यानं काँग्रेस कार्यकर्ते नाराज आहेत.. नाना पटोले आणि उद्धव ठाकरेंच्या हट्टी भूमिकेमुळे मुंबईतल्या काही जागा काँग्रेस पक्षाला मिळाला नसल्याचा वर्षा गायकवाड यांचा आरोप आहे.. वर्षा गायकवाड यांनी आपली नाराजी दिल्लीत हायकमांडला कळवलीय...
9 Apr 2024, 16:21 वाजता
'कुणी धमकावत असेल तर पोलीस तक्रार करा', अजित पवारांचं वक्तव्य
Ajit Pawar on Sharad Pawar : कुणाला मतांसाठी धमक्या दिल्या असत्या तर बारामतीकरांनी पाठिंबा दिला नसता.. कुणी कुणाला धमकावत असेल तर त्याची तक्रार पोलिसात द्यावी असं विधान अजित पवारांनी केलंय. बारामतीत प्रचार आणि मत देण्यासाठी अजित पवार पक्षाकडून धमक्या दिल्या जात असल्याचा आरोप राष्ट्रवादी शरद पवार पक्षाकडून करण्यात आला होता, त्याला अजित पवारांनी उत्तर दिलं.
बातमीचा व्हिडीओ पाहा-
9 Apr 2024, 14:09 वाजता
विशाल पाटील अपक्ष लढणार?
Sangali Vishal Patil : सांगली लोकसभेची जागा ठाकरे गटाला सुटल्यानंतर विशाल पाटील यांचे समर्थक, कार्यकर्ते आक्रमक झालेत. आमचं चुकलं काय? आता लढायचं अशा स्वरुपाचे विशाल पाटील यांचे पोस्टर व्हायरल होत आहेत. त्यामुळं विशाल पाटील अपक्ष लढणार का? असा सवाल उपस्थित केला जातोय.
बातमीचा व्हिडीओ पाहा -
9 Apr 2024, 13:39 वाजता
सांगलीतील काँग्रेस नेत्यांची बुधवारी बैठक
Sangali Congress Leader Meeting : मविआत सांगलीबाबत झालेल्या निर्णयानंतर काँग्रेस नेत्यांची उद्या बैठक होणार आहे.. विश्वजित कदम, विशाल पाटील, विक्रम सावंत, जयश्रीताई पाटील, पृथ्वीराज पाटील अशा प्रमुख नेत्यांची उद्या बैठक होणार आहे. कार्यकर्ते आणि नेत्यांच्या चर्चेनंतर विशाल पाटील अंतिम निर्णय घेतील, अशी माहिती शहर जिल्हाध्यक्ष पृथ्वीराज चव्हाण यांनी दिलीय.. उद्या 11 वाजता ही बैठक होणार आहे..
बातमीचा व्हिडीओ पाहा -
9 Apr 2024, 13:37 वाजता
सांगली जिल्ह्यातील काँग्रेस नेते नॉट रिचेबल
Sangali Congress Leader : काँग्रेसनं सांगलीची जागा अखेर ठाकरे गटाला सोडलीय. मात्र त्यानंतर सांगली जिल्हा काँग्रेस कार्यालयासमोर शुकशुकाट दिसून येतोय. जिल्ह्यातील काँग्रेस नेते विश्वजीत कदम, विशाल पाटील आणि आमदार विक्रम सावंत नॉट रिचेबल आहेत. सांगलीत आता चंद्रहार पाटील हेच मविआचे उमेदवार असतील. दरम्यान सांगलीतील नेत्यांशी संपर्क झाला असून सर्व एकत्र असल्याचा दावा खासदार संजय राऊतांनी केलाय.
बातमीचा व्हिडीओ पाहा -
