मटकाकिंग हत्येप्रकरणी सहा जणांना जन्मठेप

www.24taas.com, झी मीडिया,मुंबई
मटकाकिंग सुरेश भगत हत्येप्रकरणी सहा आरोपींना दोषी ठरवण्यात आलं होतं. या सहा जणांना जन्मठेपेची शिक्षा सुनावण्यात आलेय. यात भगत याची पत्नी जया आणि मुलगा हितेश यांचाही समावेश आहे.
दोषी ठरलेल्या सहा जणांना सोमवारी त्यांना शिक्षा सुनावली जाणार होती. मात्र, तारीख पुढे ढकलण्यात आली. जून २००८मध्ये सुरेश भगत अलिबागहून परतत असतांना वाटेत एका डंपरने त्याच्या वाहनाला जोरदार धडक दिली. त्यामध्ये सुरेश भगतसह सात जणांचा मृत्यू झाला होता. कोट्यवधी रुपयांच्या व्यवसायावर कब्जा करण्यासाठी भगत याची हत्या मुलाने आणि पत्नीने केल्याचा आरोप, त्यानंतर करण्यात आला होता.