BSNLचा 108 रुपयांचा खास प्रीपेड प्‍लान, फ्री Calling सह रोज मिळणार इतका Data

संग्रहित फोटो

 मुंबई : बीएसएनएलने (BSNL) जिओ (Jio), एअरटेल (Airtel)आणि व्होडोफोन-आयडियाशी ( VI) स्पर्धा करण्यासाठी एक विशेष योजना आणली आहे. या योजनेची सर्वात खास गोष्ट म्हणजे जिथे आपल्याला दररोज 1 जीबी डेटा 28 दिवस किंवा इतर कंपन्यांच्या प्रीपेड प्लॅनमध्ये 56 दिवसांचा मिळतो, तेथे बीएसएनएलच्या या योजनेत आपल्याला 60 दिवसांच्या वैधतेसह दररोज 1 जीबी डेटा मिळेल.

 सर्वात किफायतशीर योजना

बीएसएनएलच्या (BSNL) या योजनेची किंमत इतर कंपन्यांपेक्षा निम्मी आहे आणि वैधतेच्या दृष्टीने ती वापरकर्त्यांसाठी किफायतशीर ठरणार आहे. टेलिकॉम कंपनी बीएसएनएलने (BSNL)यापूर्वीही स्वस्त किफायतशीर प्रीपेड योजना आणल्या होत्या, तसेच त्यात बरेच फायदेही होते. तथापि,  बीएसएनएलची (BSNL) ही नवीन प्रीपेड योजना केवळ नवीन कनेक्शनसाठी उपलब्ध आहे.

फ्री कॉलिंगसह दररोज 1 जीबी डेटा

बीएसएनएलच्या नव्या योजनेसाठी फक्त 100 रुपये रिचार्ज करावे लागतील आणि त्यात तुम्हाला अमर्यादित कॉलिंगसह दररोज 1 जीबी डेटाची सुविधा मिळेल. डेटा वैधता 60 दिवसांपर्यंत असेल. त्याच वेळी, दररोज डेटा कोटा संपुष्टात आल्यानंतर, आपल्याला इंटरनेट डाऊनलोडिंग आणि अपलोडिंग गती 80 केबीपीएस मिळेल. या डेटा पॅकमध्ये दिल्ली आणि मुंबई एमटीएनएल नेटवर्कचा समावेश आहे. प्रीपेड योजनेत तुम्हाला 500 एसएमएसही मिळतील.