पृथ्वीवरील मानवाचे न्यूड फोटो पाहून Aliens करतील कॉन्टॅक्ट; NASA चा मास्टर प्लॅन
नासा अवकाशात मानवांची नग्न छायाचित्रे पाठवणार आहे. याद्वारे एलियनशी संपर्क साधता येईल,
)
मुंबई : मानवासाठी आतापर्यंत सर्वात मोठा प्रश्न म्हणजे या ब्रम्हांडात आपण एकटेच आहोत का? या प्रश्नाचे उत्तर शोधण्यासाठी अनेक दशकांपासून प्रयत्न केले जात आहेत. या प्रयत्नांचा पुढचा भाग म्हणून आता अमेरिकन स्पेस एजन्सी नासाने पाऊल उचलले आहे. नासा अवकाशात मानवांची नग्न छायाचित्रे पाठवणार आहे. याद्वारे एलियनशी संपर्क साधता येईल, असे नासाच्या शास्त्रज्ञांचे मत आहे. त्यांचा असा विश्वास आहे की यामुळे एलियन्सशी संपर्क साधता येतो. त्यासाठी 'हॅलो' सूचित करणारी महिला आणि पुरुषांची नग्न छायाचित्रे अंतराळात पाठवायची आहेत. असे मानले जाते की कदाचित असे केल्याने, एलियन्सशी संपर्क साधला जाऊ शकतो.
अंतराळ संस्थेने उचलले जाणारे हे पाऊल 'बीकन इन द गॅलेक्सी' (BITG) प्रकल्पाचा एक भाग आहे. या प्रकल्पाचा उद्देश बाह्य अवकाशातील इतर जगातील लोकांना संदेश पाठवणे हा आहे, जेणेकरून त्यांना मानवांशी संपर्क साधण्यासाठी आमंत्रित करता येईल. याशिवाय गुरुत्वाकर्षणाची छायाचित्रे आणि डीएनए एलियन्सना पाठवण्याचीही तयारी सुरू आहे.
नासाच्या शास्त्रज्ञांचा असा विश्वास आहे की, एलियन्स बायनरी कोड असलेले संदेश अधिक सहजपणे समजू शकतात.
शास्त्रज्ञ म्हणाले, 'बायनरी हा गणिताचा सर्वात सोपा प्रकार आहे, कारण तो दोन गोष्टींनी बनलेला आहे. शून्य किंवा एक, होय किंवा नाही, काळा किंवा पांढरा, वस्तुमान किंवा रिक्त जागा.'
वैज्ञानिक अंतराळात मानवाची नग्न छायाचित्रे पाठवण्याची ही पहिलीच वेळ नाही. 1972 मध्ये पायोनियर 10 मिशन आणि 1973 मध्ये पायोनियर 11 मिशन दरम्यान, अंतराळ यानामध्ये मानवांची नग्न छायाचित्रे होती. शास्त्रज्ञांना आशा होती की परग्रहावरील लोक ही चित्रे पाहतील आणि त्यांच्याशी संपर्क साधतील.