புதுடெல்லி: இந்திய ரிசர்வ் வங்கி, 2017-18 ஆம் ஆண்டுக்கான தங்க பத்திரங்களின் விலையை வெளியிட்டது. 2017-18 ஆம் ஆண்டில் வெளியிடப்பட்ட தங்கப் பத்திரங்கள் டிசம்பர் 4, 2023 அன்று முதிர்ச்சியடைகின்றன. இதற்கான விலை, தற்போது யூனிட் ஒன்றுக்கு ₹6,265 மதிப்பு பெற்றிருக்கும் நிலையில், ஒரு யூனிட்டுக்கு ₹3,304 என்ற அளவில் லாபத்தைக் கொடுத்துள்ளது. இந்த இறையாண்மை தங்கப் பத்திரம் வெளியிட்ட போது, யூனிட் ஒன்றுக்கு ₹2,961 என்று இருந்தது.
இந்திய புல்லியன் அண்ட் ஜூவல்லர்ஸ் அசோசியேஷன் (IBJA) இலிருந்து பெறப்பட்ட விலைகளின் அடிப்படையில், ரிடீம் தேதிக்கு முந்தைய மூன்று வணிக நாட்களில், SGBக்கான ரிடெம்ப்ஷன் விலையின் கணக்கீடப்பட்டுள்ளது. 999 தூய்மையான தங்கத்தின் நேரடியான சராசரி விலையின் அடிப்படையில் இந்த விலை நிர்ணயிக்கப்பட்டுள்ளது.
2023 நவம்பர் 29, 30 மற்றும் டிசம்பர் 1 என்ற மூன்று நாட்களின் தங்கத்தின் விலைகளின் சராசரியைப் பயன்படுத்தி ரிடீம்ப் விலை கணக்கிடப்படுகிறது.
மேலும் படிக்க | அதிக வட்டி, இலவச காப்பீடு...EPFO சந்தாதாரர்களுக்கு கிடைக்கும் ஜாக்பாட் நன்மைகள்
இறையாண்மை தங்கப் பத்திரங்கள் என்றால் என்ன?
இறையாண்மை தங்கப் பத்திரங்கள் அரசாங்கத்தால் வழங்கப்பட்ட பத்திரங்கள் ஆகும். யூனிட் ஒன்றுக்கு எவ்வளவு விலை என்று நிர்ணயிக்கப்பட்டிருக்கும். தங்களுடைய விருப்பத்திற்கு ஏற்ப, இந்த பத்திரத்தில் முதலீட்டாளர்கள் முதலீடு செய்யலாம். தங்கத்தில் யூனிட் குறிப்பிடப்படும் இந்த பத்திரங்களுக்கு முதலீட்டாளர்கள் வெளியீட்டு விலையை பணமாக செலுத்த வேண்டும். பத்திரத்தின் காலம் 8 ஆண்டுகள் ஆகும்.
கூப்பன் செலுத்தும் தேதிகளில் வழங்கப்பட்ட தேதியிலிருந்து ஐந்தாவது வருடத்திற்குப் பிறகு முன்கூட்டியே பணமாக்குதல் அல்லது திரும்பப் பெறுதல் அனுமதிக்கப்படும். ரிசர்வ் வங்கி (RBI) வெளியிடும் இந்த தங்க பத்திரங்கள் மிகவும் பாதுகாப்பான முதலீடாகவும் பார்க்கப்படுகிறது.
SGBகளை முன்கூட்டியே திரும்பப் பெற முடியுமா?
SGBகளை முன்கூட்டியே திரும்பப் பெற விரும்புவோர், கூப்பன் செலுத்தும் தேதிக்கு குறைந்தது முப்பது நாட்களுக்கு முன்னதாக சம்பந்தப்பட்ட வங்கி/SHCIL அலுவலகங்கள்/அஞ்சல் அலுவலகம்/முகவரை அணுக வேண்டும்.
மேலும் படிக்க | SCSS, SSY, PPF... ஜாக்பாட் நன்மைகளை அள்ளித்தரும் அரசாங்க சிறு சேமிப்பு திட்டங்கள்
ரிசர்வ் வங்கி வகுத்துள்ள உத்தரவுகளின்படி, கூப்பன் செலுத்தும் தேதிக்கு குறைந்தபட்சம் ஒரு நாள் முன்னதாக சமர்ப்பித்தால் மட்டுமே முன்கூட்டியே மீட்புக்கான கோரிக்கை செயல்படுத்தப்படும். பத்திர விண்ணப்பத்தின் போது வழங்கப்பட்ட முதலீட்டாளரின் குறிப்பிட்ட வங்கிக் கணக்கில் அத்தகைய மீட்பிலிருந்து கிடைக்கும் வருமானம் வரவு வைக்கப்படும்.
இந்தியா புல்லியன் அண்ட் ஜூவல்லர்ஸ் அசோசியேஷன் லிமிடெட் வெளியிட்டபடி, முதிர்ச்சியடைந்தவுடன், இந்தப் பத்திரங்கள் இந்திய ரூபாயில் ரிடீம் செய்யப்படுகின்றன, திருப்பிச் செலுத்தும் தேதியிலிருந்து முந்தைய மூன்று வணிக நாட்களில் தங்கத்தின் இறுதி விலையான 999 தூய்மையான தங்கத்தின் இறுதி விலையின் சராசரி மூலம் ரிடீம்ப் விலை நிர்ணயிக்கப்படுகிறது. முதலீட்டாளர்கள் பத்திரத்தின் வரவிருக்கும் முதிர்வு குறித்த முன்கூட்டியே அறிவிப்பை ஒரு மாதத்திற்கு முன்பே பெறுவார்கள்.
முதிர்வுத் தொகை பின்னர் பதிவு செய்யப்பட்ட வங்கிக் கணக்கில் வரவு வைக்கப்படும். கணக்கு எண்கள் அல்லது மின்னஞ்சல் ஐடிகள் போன்ற விவரங்களில் ஏதேனும் மாற்றங்கள் இருந்தால், சரியான செயலாக்கத்திற்காக வங்கி/SHCIL/PO க்கு உடனடி அறிவிப்பு தேவைப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
