எச்சரிக்கை! இதுதான் ஒமிக்ரானின் 2 புதிய அறிகுறிகள்

கடந்த 2 ஆண்டுகளாகவே கொரோனா வைரஸ் பாதிப்பு உலக நாடுகளிடையே மிக மோசமான பாதிப்பை ஏற்படுத்தியுள்ளது.

பல்வேறு சுற்றுச்சூழல் காரணிகள் மற்றும் புவியியல் பகுதி காரணமாக வைரஸ்கள் காலப்போக்கில் மாறுகின்றன. இந்த பிறழ்வு செயல்முறை வைரஸின் தன்மை மற்றும் கட்டமைப்பில் பல மாற்றங்களுக்கு வழிவகுக்கிறது. கொரோனா வைரஸின் மாறுபாடுகளிலும் இதுவே உள்ளது. இந்த கொடிய வைரஸானது கடந்த 2 ஆண்டுகளாகவே உலக நாடுகளிடையே மிக மோசமான பாதிப்பை ஏற்படுத்தியுள்ளது. மேலும், கொரோனா வைரஸ் தொடர்ந்து உருமாறிக் கொண்டே இருப்பதும் உலக நாடுகளுக்கு மிகப் பெரிய சிக்கலைக் கொடுத்துள்ளது.

இதற்கிடையில் ஓமிக்ரான் கிருமிப் பரவல் சம்பவங்கள் உலகமெங்கும் குறையத் தொடங்கியுள்ளது. இருப்பினும், ஓமிக்ரான் பிஏ 2 எனும் துணை திரிபு கிருமிப் பரவல் சம்பவங்கள் அதிகரித்து வருவதாக உலக சுகாதார நிறுவனம் கூறியுள்ளது. பிஏ.2 ஆனது பிஏ.1 ஐ விட அதிகமாக பரவக்கூடியது. எனவே உலகம் முழுவதும் பிஏ.2 பரவும், மக்களிடம் கண்டறியப்படும் என நாங்கள் எதிர்பார்க்கிறோம் என்று உலக சுகாதார அமைப்பின் சமூக ஊடக தளங்களில் நேரடியாக ஒளிபரப்பப்பட்ட கேள்வி பதில் அமர்வின் போது வான் கெர்கோவ் கூறினார். சீனா, இந்தியா, பாகிஸ்தான், பங்களாதேஷ், பிலிப்பீன்ஸ் உட்பட பல ஆசிய நாடுகளில் பிஏ 2 துணை திரிபு ஆதிக்கம் செலுத்து வதாகவும் நிறுவனம் கூறியது.

பல மாத கால கண்டுபிடிப்புகளின் அடிப்படையில், உலக சுகாதார அமைப்பு சமீபத்தில் வைரஸின் சில முந்தைய பதிப்புகளைப் போலல்லாமல், நுரையீரலுக்குப் பதிலாக மேல் சுவாசக் குழாயை ஓமிக்ரான் முக்கியமாக பாதிக்கிறது என்று பரிந்துரைத்தது. துணை மாறுபாடு ஆரம்ப கட்டத்தில் இரண்டு பொதுவான அறிகுறிகளுக்கு வழிவகுக்கிறது- தலைச்சுற்றல் மற்றும் சோர்வு ஆகும்.

புதிய துணை மாறுபாட்டின் பிற பொதுவான அறிகுறிகள்

* காய்ச்சல்
* மிகுந்த சோர்வு
* இருமல்
* தொண்டை வலி
* தலை வலி
* தசை சோர்வு
* உயர்ந்த இதயத் துடிப்பு.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR