கொரோனாவிற்கான பாரத்பயோடெக்கின் நாசி தடுப்பூசி: உலக நாடுகளில் மீண்டும் கொரோனா பரவல் அதிகரித்து வரும் நிலையில், மத்திய சுகாதார துறை, நடவடிக்கைகளை தீவிரப்படுத்தியுள்ளது. சீனாவில் கொரோனா பாதிப்பு சுனாமி போல் ஏற்பட்டுள்ளது. அங்கு நிலைமை கட்டுப்பாட்டை மீறி விட்டது. மருத்துவமனைகளில் வென்டிலேட்டர்கள் மற்றும் இதர உபகரணங்களுக்கு பற்றாக்குறை உள்ளது. சீனா மட்டுமின்றி, அமெரிக்கா, பிரேசில், தென் கொரியா, ஜப்பான் மற்றும் அர்ஜென்டினா ஆகிய நாடுகளிலும் தொற்று பாதிப்புகள் அதிகரிக்கத் தொடங்கியுள்ளன.
இந்நிலையில், பாரத் பயோடெக்கின் நாசி தடுப்பூசி இன்று முதல் CoWIN தளத்தில் கிடைக்கும் என சுகாதார அமைச்சகம் வெளியிட்டுள்ள தகவல்கள் தெரிவிக்கின்றன. கோவிட் நாசி தடுப்பூசியை பூஸ்டர் டோஸாக எடுத்துக் கொள்ளலாம். எந்த தடுப்பூசியையும் பொருட்படுத்தாமல், நீங்கள் மூக்கு தடுப்பூசியை ஒரு பூஸ்டர் டோஸாக எடுத்துக் கொள்ளலாம். தற்போது, கோவிட் நாசி தடுப்பூசி தனிப்பட்ட முறையில் மட்டுமே கிடைக்கும், அதற்கு பணம் செலுத்த வேண்டும்.
சுகாதார அமைச்சர்களின் முக்கிய கூட்டம் இன்று
கொரோனா பரவல் அதிகரிக்காமல் இருக்க அரசு தீவிர நடவடிக்கை எடுத்து வருகிறது. கொரோனா வைரஸின் தற்போதைய நிலைமை குறித்து சுகாதார அமைச்சர்களின் முக்கிய கூட்டம் இன்று நடைபெறுகிறது. மாநில சுகாதார அமைச்சர்களுடன் மத்திய சுகாதாரத்துறை அமைச்சர் கூட்டம் நடத்தவுள்ளார். குறிப்பிடத்தக்க வகையில், புதிய மாறுபாடு பற்றிய ஆலோசனையில் இருந்து, பூஸ்டர் டோஸ்களை பதிவு செய்வதில் தீவிரமாக அரசு இயங்கி வருகிறது. அதே நேரத்தில், வியாழக்கிழமை, பிரதமர் மோடி கொரோனா குறித்த ஆய்வுக் கூட்டத்தை நடத்தினார், மேலும் மரபணு வரிசைமுறையை சோதனையை அதிகரிப்பது குறித்து வலியுறுத்த வேண்டிய அவசியம் உள்ளது என்று கூறினார்.
மேலும் படிக்க | இந்தியாவை மிரட்டும் BF.7 கொரோனா... ‘இந்த’ அறிகுறிகள் இருந்தால் அலட்சியம் வேண்டாம்!
நாட்டில் கரோனாவின் நிலைமை இன்னும் கட்டுக்குள் உள்ளது. தற்போது நிலைமை குறித்து அச்சப்படத் தேவையில்லை. இருப்பினும், உலகின் பல நாடுகளில் கொரோனா பாதிப்பு வேகமாக அதிகரித்து வருகிறது. அதனால் இந்தியாவில் இப்போதிருந்தே முன்னெச்சரிக்கை நடவடிக்கைகள் எடுக்கப்பட்டு வருகின்றன.
கொரோனா பாதிப்பு அதிகமாக உள்ள நாடுகள்
உலகின் பல நாடுகளில் கொரோனா தொற்று பாதிப்பு எண்ணிக்கை அதிகரித்துள்ளது. அமெரிக்காவில் 19 லட்சத்து 50 ஆயிரத்திற்கும் அதிகமாகவும், பிரான்சில் 11 லட்சத்துக்கும் அதிகமாகவும், பிரேசிலில் 6 லட்சத்து 75 ஆயிரத்திற்கும் அதிகமாகவும், இந்தியாவில் 3 ஆயிரத்து 380 ஆகவும், ஆஸ்திரேலியாவில் 1 லட்சத்து 24 ஆயிரத்திற்கும் அதிகமாகவும், சீனாவில் 39 ஆயிரத்திற்கும் அதிகமாகவும் கொரோனா பாதிப்புகள் உள்ளன.
மேலும் படிக்க | மீண்டும் அச்சுறுத்தும் கொரோனா... ஆதார் பூனவல்லா வழங்கிய ‘முக்கிய’ தகவல்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
