IRCTC Tatkal Ticket Booking: இந்தியன் ரயில்வேயின் IRCTC இணையதளத்தில், தட்கல் ரயில் டிக்கெட்டுகளை முன்பதிவு செய்ய பலமுறை முயற்சித்தும் அது கைக்கூடவில்லையா. தட்கல் மூலம் உறுதிபடுத்தப்பட்ட டிக்கெட்டுகளை பெற சில சிறந்த வழிகள் உள்ளன.
பயணத்திற்கு ஒரு நாள் முன்னதாக தட்கல் டிக்கெட் முன்பதிவு செய்யப்படுகிறது. 3AC மற்றும் அதற்கு மேற்பட்ட வகுப்புகளுக்கான முன்பதிவு காலை 10 மணிக்குத் தொடங்கும். படுக்கை வசதிக்கொண்ட வகுப்பிற்கான முன்பதிவு காலை 11 மணிக்குத் தொடங்கும் என்பதை நினைவில் கொள்ள வேண்டும். IRCTC இணையதளத்தின் மூலம், ஆன்லைனில் தட்கல் டிக்கெட்டை முன்பதிவு செய்தால், அதை விரைவாக பதிவு செய்ய சில விஷயங்களை மனதில் கொள்ள வேண்டும்.
மேலும் படிக்க | கோடை விடுமுறை... மக்கள் வசதிக்காக ரயில்வேயின் சிறப்பு சேவைகள்!
நினைவில் வைக்க வேண்டியவை
1. IRCTC-ல் தட்கல் டிக்கெட்டை முன்பதிவு செய்ய, உங்களிடம் IRCTC கணக்கு (Account) இருக்க வேண்டும். உங்களிடம்இல்லையென்றால், https://www.irctc.co.in இணையதளம் அல்லது IRCTC செயலிக்குச் சென்று கணக்கை உருவாக்கலாம்.
2. கணக்கு உருவாக்கப்பட்டவுடன், முதன்மை பட்டியலை உருவாக்கவும். எனது சுயவிவரம் (My Profile) பிரிவில் முதன்மை பட்டியல் விருப்பத்தைக் கண்டறிந்து, பயணிகளின் பெயர், வயது, பாலினம், பிறப்பு விருப்பம், உணவு விருப்பம், மூத்த குடிமகன், அடையாள அட்டை வகை மற்றும் அடையாள அட்டை எண் போன்ற விவரங்களை நிரப்பவும்.
3. முதன்மை பட்டியலில் பயணிகளைச் சேர்க்கவும். பட்டியலில் 20 பயணிகளை நீங்கள் சேமித்து வைத்திருக்க முடியும்.
4. இப்போது, எனது சுயவிவரம் (My Profile) ஆப்ஷனுக்கு கீழ் தோன்றும் இடத்தில் பயணப் பட்டியலை உருவாக்கி, முதன்மைப் பட்டியலில் இருந்து பயணிகளின் பெயரைத் தேர்ந்தெடுக்கவும். இவற்றை செய்வதன் மூலம் நீங்கள் தட்கல் டிக்கெட்டுகளை முன்பதிவு செய்ய தயாராகிவிட்டீர்கள்.
தட்கல் முன்பதிவு
- 3AC அல்லது அதற்கு மேற்பட்ட வகுப்புகளுக்கு தட்கல் டிக்கெட்டை முன்பதிவு செய்ய, IRCTC இணையதளம் அல்லது செயலியில் காலை 9.57 மணிக்குள் உள்நுழையவும், ஸ்லீப்பர் வகுப்பிற்கு 10.57 மணி நேரத்திற்குள் உள்நுழையவும்.
- அடுத்து, Plan My Journey டேப்பின் கீழ் ரயில் நிலையங்களின் பெயர்களைத் தேர்ந்தெடுத்து, உங்களின் பயணத் தேதியைத் தேர்ந்தெடுத்து அதனை உறுதிப்படுத்திவிட்டு சமர்ப்பிக்கவும்.
- இப்போது பரிந்துரைக்கப்பட்ட ரயில் பட்டியலில் இருந்து நீங்கள் பயணிக்க விரும்பும் ரயிலைத் தேர்ந்தெடுக்கவும். பொது, பிரீமியம் தட்கல், பெண்கள் மற்றும் தட்கல் ஆகியவற்றிலிருந்தும் தேர்வு செய்யவும்.
- அடுத்து நீங்கள் டிக்கெட் முன்பதிவு செய்ய விரும்பும் பெட்டிகளைத் தேர்ந்தெடுத்து பயணிகளின் விவரங்களை உள்ளிடவும். இப்போது, முதன்மை பட்டியலை பயன்படுத்துவதன் மூலம் உங்கள் நேரத்தைச் சேமிக்க இயலும்.
- நீங்கள் 1-2 பயணிகளுக்கான டிக்கெட்டுகளை முன்பதிவு செய்ய விரும்பினால், மாஸ்டர் பட்டியலில் இருந்து பயணிகளின் விவரங்களைத் தேர்ந்தெடுக்கவும். ஆனால் பயணிகளின் எண்ணிக்கை அதற்கு மேல் இருந்தால், பயணப் பட்டியலில் இருந்து பயணிகளின் விவரங்களைத் தேர்ந்தெடுக்கவும்.
- முடிந்ததும், பணம் செலுத்த தொடரவும். பண பரிவர்த்தை முடிந்ததும், முன்பதிவு செய்த டிக்கெட்டுகளை எனது முன்பதிவு (My Bookings) டேப்பில் காணலாம்.
மேலும் படிக்க | ரயில்வே அளித்த ஜாக்பாட் தகவல்: இவர்களுக்கு இனி கவலை இல்லா பயணம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
