ஒரு காரைத் தேர்ந்தெடுக்கும்போது வாங்குபவர்கள் கவனத்தில் கொள்ள வேண்டியது என்னவென்றால் அந்த எஸ்யூவி கார் பாதுகாப்பு கொடுக்குமா? என்பது தான். அதனை எப்படி அறிவது என்றால், மத்திய அரசு அறிமுகப்படுத்தியிருக்கும் விதிமுறைகளை முறையாக பின்பற்றி தயாரிக்கப்பட்டதா என்பதை தெரிந்து கொள்ள வேண்டும். இந்தியாவை பொறுத்தவரை அரசின் விதிமுறைகளுக்குட்பட்டே எஸ்யூவி கார்களை தயாரிக்க வேண்டும். அப்போது தான் அந்த கார் விற்பனைக்கே கொண்டு வர முடியும்.
அந்தவகையில், பல்வேறு பாதுகாப்பு அம்சங்களில், சமீப காலமாக ஏர்பேக்குகள் அதிக முக்கியத்துவம் பெற்றுள்ளன. இருப்பினும், ஒரு கார் மிகவும் பாதுகாப்பானது என்பதை காற்றுப்பைகள் மட்டும் உறுதி செய்யாது என்பதை ஒருவர் புரிந்து கொள்ள வேண்டும். காரின் ஒட்டுமொத்த பாதுகாப்பை தீர்மானிக்க இன்னும் பல அம்சங்கள் இணைந்துள்ளன. இப்போது இந்தியாவில் SUVகளின் புகழ் நாளுக்கு நாள் அதிகரித்து வருவதால், ஆறு ஏர்பேக்குகள் கொண்ட கார்கள் அதிக கவனத்தை பெறுகின்றன. அந்தவகையில், இந்தியாவில் மிகவும் மலிவு விலையில் விற்பனைக்கு கிடைக்கும் ஐந்து SUVகளை பார்க்கலாம்.
மேலும் படிக்க | ஏர்டெலின் அசத்தல் ஹோலி ஆபர்! 1000 ஜிபி 5ஜி டேட்டா இலவசம்!
ஹூண்டாய் எக்ஸ்டர்
இந்தியாவில் உள்ள ஒவ்வொரு ஹூண்டாய் காரும் ஆறு ஏர்பேக்குகளுடன் தரநிலையாக வருகிறது. ஹூண்டாய் நிறுவனத்தின் மிகவும் மலிவு விலை கார்களில் ஒன்றாக இருக்கும் எஸ்யூவி எக்ஸ்டர் காரும் 6 ஏர்பேக்குகளுடன் வருகிறது. இந்த மைக்ரோ எஸ்யூவியின் என்டிரி மாறுபாட்டிலிருந்து நீங்கள் ஆறு ஏர்பேக்குகளைப் பெறுவீர்கள். இந்தியன் கார் ஆஃப் தி இயர் 2024 (ICOTY 2024) விருது வென்ற இந்த காரின் விலை ரூ.6.13 லட்சம் முதல் ரூ.10.28 லட்சம் வரை (எக்ஸ்-ஷோரூம்) ஆகும்.
ஹூண்டாய் வென்யூ
ஏற்கனவே குறிப்பிட்டுள்ளபடி, ஹூண்டாயின் ஒவ்வொரு மாடலும் ஆறு ஏர்பேக்குகளுடன் தரநிலையாக வழங்கப்படுகிறது. வென்யூ காரும் விதிவிலக்கல்ல. இந்த காம்பாக்ட் எஸ்யூவியின் பேஸ் மாடலை வாங்கினாலும் ஏர்பேக்குகள் கிடைக்கும். ஹூண்டாய் வென்யூ விலை ரூ.7.94 லட்சத்தில் தொடங்கி ரூ.13.44 லட்சம் (எக்ஸ்-ஷோரூம்) வரை செல்கிறது.
கியா சோனெட்
கியா கூட அதன் அனைத்து மாடல்களிலும் ஆறு ஏர்பேக்குகளை தரநிலையாக உருவாக்கியுள்ளது. சமீபத்தில் அறிமுகப்படுத்தப்பட்ட Sonet 2024 அதன் அடிப்படை மாறுபாட்டிலும் ஆறு ஏர்பேக்குகளைக் கொண்டுள்ளது. இந்த வாகனத்தின் விலை ரூ.7.99 லட்சம் முதல் ரூ.15.69 லட்சம் (எக்ஸ்-ஷோரூம்).
டாடா நெக்ஸான்
இந்தியாவில் அதிகம் விற்பனையாகும் எஸ்யூவியான நெக்ஸானில் ஆறு ஏர்பேக்குகள் தரநிலையாக உள்ளன. முந்தைய மாடலில் அடிப்படை வேரியண்டில் இரண்டு ஏர்பேக்குகள் மட்டுமே இருந்த நிலையில், செப்டம்பர் 2023 இல் அறிமுகப்படுத்தப்பட்ட ஃபேஸ்லிஃப்ட் அனைத்து வகைகளிலும் ஆறு ஏர்பேக்குகளைப் பெற்றது. நெக்ஸான் ரூ.8.15 லட்சம் முதல் ரூ.15.80 லட்சம் (எக்ஸ்-ஷோரூம்) விலை வரம்பில் உள்ளது.
மாருதி சுசுகி ஃப்ரான்க்ஸ்
துரதிர்ஷ்டவசமாக, ஃப்ரான்க்ஸ் ஆறு ஏர்பேக்குகளுடன் தரமானதாக வரவில்லை. முதல் இரண்டு வகைகளான Zeta மற்றும் Alpha மட்டும் ஆறு ஏர்பேக்குகளைப் பெறுகின்றன. உங்கள் ஃப்ரான்க்ஸில் ஆறு ஏர்பேக்குகள் வேண்டுமானால், குறைந்தபட்சம் ரூ.10.55 லட்சம் (Zeta MT) செலுத்த வேண்டும்.
மேலும் படிக்க | 3 மாதம் ஹாட்ஸ்டார் இலவசம்... வோடபோன் ஐடியாவில் ஜாக்பாட் திட்டம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
