Best selling car company in June: જૂન મહિનામાં કોણ ઉપર, કોણ નીચે? કઈ કાર કંપનીને ફળ્યો જૂન મહિનો?

સવજી ચૌધરી, અમદાવાદ: આ મહિને મારુતિ (Maruti ) એ ફરીથી પોતાનું સ્થાન મજબૂત બનાવી લીધું છે. કિયાને પછાડીને ઉપર આવી ગઈ છે મહિન્દ્રા. જાણો, જૂન મહિનામાં કઈ કંપનીની કારને લોકોએ આપ્યો કેટલો પ્રેમ?

ટોપ 15 કાર કંપનીઓના વેચાણની જો વાત કરીએ તો સૌથી ઓછું વેચાણ થયું છે સિટ્રોન કંપનીની ગાડીઓનું. આખા ભારતમાં આ કંપનીની માત્ર 41 ગાડીઓ વેચાઈ છે. 14મા નંબરે રહી છે સ્કોડા કંપની. જૂન મહિનામાં તેની 734 ગાડીઓ જ સમગ્ર દેશમાં વેચાઈ છે. મે મહિના કરતાં જૂનમાં સ્કોડાની ગાડીઓનું વેચાણ 3 ટકા વધ્યું છે.

13મા નંબરે રહી છે ફિયાટ. જૂન મહિનામાં આ કંપનીની દેશભરમાં 789 ગાડીઓ જ વેચાઈ છે. ફિયાટ પછી 12મા ક્રમે ઊભી છે ફોક્સવેગન. જૂન મહિનામાં આ કંપનીની 1633 ગાડીઓ વેચાઈ છે. મેગ્નાઈટ કારથી લોકોનું ધ્યાન ખેંચનારી નિશાન કંપની, ગાડીઓની વેચાણની દ્રષ્ટિએ 11મા નંબરે આવી છે. જૂન મહિનામાં 3503 ગાડીઓ વેચાઈ છે. ગયા મહિના કરતાં આ વેચાણ 18 ટકા વધારે છે અને ગયા વર્ષની સરખામણીએ આ વેચાણ 508 ટકા વધારે છે.

ટોપ 10માં સૌથી નીચે રહેવામાં સફળ થઈ છે મોરિસ ગેરાજીસ કાર કંપની. જેને તમે એમજી નામથી ઓળખો છો. એમજીની 3558 ગાડીઓનું વેચાણ જૂન મહિનામાં થયું છે.

છઠ્ઠા નંબર પર આવીને ઊભી છે ટોયોટા. આ કંપનીની ગયા મહિને ફક્ત 700 ગાડીઓનું વેચાણ થયું હતું પરંતુ આ મહિને સમગ્ર દેશમાં ટોયોટાની 8798 ગાડીઓ લોકોએ ખરીદી છે. મે મહિના કરતાં જૂનમાં આ વેચાણ 1144 ટકા વધારે છે અને ગયા વર્ષની સરખામણીએ 128 ટકા વધારે વેચાણ થયું છે.

ત્રીજા નંબર પર મે મહિનાની જેમ જ પોતાનું સ્થાન બનાવીને ઊભી છે ટાટા મોટર્સ. મે મહિનામાં ટાટાની 15 હજાર ગાડીઓ વેચાઈ હતી પરંતુ જૂનમાં ટાટાની 24,111 ગાડીઓને લોકોએ ખરીદી છે. ટાટાનો ટાર્ગેટ છે ભારતીય કાર બજારમાં 10 ટકા વેચાણ વૃદ્ધિ હાંસલ કરવાનો. છેલ્લા બે-ત્રણ મહિનામાં આ કંપનીએ સરેરાશ 9.8 ટકાનો વૃદ્ધિદર હાંસલ કરી લીધો છે.