દેશમાં ઘટશે ફૂડ ઓઇલ અને દાળના ભાવ? સરકારે આપ્યો આ જવાબ

નવી દિલ્હી: તહેવારોની સિઝનમાં દેશમાં દાળ  (Pulses) અને ફૂડ ઓઇલ (Edible Oil) ના ભાવમાં મોંઘવારી રોકવા માટે સરકારે સખત પગલાં ભરવાનું શરૂ કરી દીધું છે. સરકારે વિદેશોમાં આયાત વધારવાને સાથે જ રાજ્ય સરકારોને ખાદ્ય વસ્તુઓની જમાખોરી પર લગામ કસવાના પણ નિર્દેશ આપ્યા છે. 

'દુનિયામાં વધ્યા ફૂડ ઓઇલના ભાવ'
ફૂડ મિનિસ્ટ્રીના સેક્રેટરી (Food Secretary) સુધાંશુ પાંડેય (Sudhanshu Pandey) એ કહ્યું કે મલેશિયામાં મજૂર સંકટ અને બાયો-ફ્યૂલ માટે ખાદ્ય તેલોના ડાઇવર્જનના લીધે ફૂડ ઓઇલની આંતરરાષ્ટ્રીય કિંમતોમાં ઉછાળો આવ્યો છે. તેમછતાં ભારતમાં તેની કિંમતો પર વધુ અસર પડશે નહી. આંતરરાષ્ટ્રીય સ્તર પર કિંમત વધુ હોવાછતાં ભારતમાં ફૂડ ઓઇલના ભાવ ઓછા છે. 

'રાજ્યોને જમાખોરી રોકવાના નિર્દેશ'
તેમણે કહ્યું કે સરકારે ખાદ્ય તેલો (Edible Oil) ની આયાતને વધારવાની સાથે જ રાજ્ય સરકરોને તેની જમાખારી પર સખતથી અંકુશ લગાવવના પણ નિર્દેશ આપ્યા છે. મસ્ટર્ડ ઓઇલનું પ્રોડક્શન 10 લાખ મેટ્રિક ટન વધ્યું છે. સરકારને આશા છે કે આ પગલાંની અસર જલદી જ જોવા મળશે અને ફૂડ ઓઇલના ભાવ નીચે આવવા લાગશે. તેથી તહેવારી સિઝનમાં લોકોને મોંઘવારીમાંથી રાહત મળશે. 

'આગામી અઠવાડિયાથી નક્કી થશે સ્કોટ લિમિટ'
સુધાંશુ પાંડેયએ કહ્યું કે વેપારીઓ સાથે વાતચીત કરીને રાજ્ય સરકારો આગામી અઠવાડિયાથી સ્ટોક લિમિટ નક્કી કરવાનું શરૂ કરશે. જો કોઇ વેપારી નક્કી લિમિટ કરતાં વધુ સ્ટોક એકઠો કરશે તો તેના વિરૂદ્ધ કાનૂની કાર્યવાહી થશે. તેમણે જણાવ્યું કે ડુંગળીના ભાવ પર નજર રાખવા માટે મંત્રાલયની દર અઠવાડિયે બેઠક થશે. હાલ દેશમાં 1 લાખ ટન ડુંગળીનો બફર સ્ટોક છે.