Gold Price Today: સોનાના ભાવમાં મોટો ઘટાડો, ચાંદીની કિંમતોમાં ઉછાળો, જાણો નવો રેટ

નવી દિલ્હીઃ રાષ્ટ્રીય રાજધાનીમાં સોમવારે સોનાના ભાવમાં (Gold Price) મોટો ઘટાડો થયો છે. બીજીતરફ ચાંદીની કિંમતમાં (silver Price) મોટો ઉછાળો જોવા મળ્યો છે. એચડીએફસી સિક્યોરિટીઝ પ્રમાણે રાષ્ટ્રીય રાજધાની દિલ્હીમાં સોમવારે સોનાના ભાવમાં 1324 રૂપિયા પ્રતિ 10 ગ્રામનો ઘટાડો થયો છે. તેના પાછલા સત્રમાં સોનાનું મૂલ્ય  (Gold Price) 48,844 રૂપિયા પ્રતિ 10 ગ્રામ રહી હતી. સિક્યોરિટીઝ પ્રમાણે કેન્દ્રીય બજેટમાં સોના તથા ચાંદી પર આયાત શુલ્કમાં ઘટાડાની જાહેરાત બાદ સોનાના ભાવમાં ઉલ્લેખનીય ઘટાડો જોવા મળ્યો છે. 

રાષ્ટ્રીય રાજધાનીમાં ચાંદીની કિંમત (Silver Price in National Capital)
એચડીએફસી સિક્યોરિટીઝ પ્રમાણ સોનાની વિપરીત ચાંદીની કિંમતોમાં સોમવારે મોટો વધારો જોવા મળ્યો હતો. સિક્યોરિટીઝ પ્રમાણે ચાંદીની કિંમત 3461 રૂપિયાના મોટા વધારા સાથે 72,470 રૂપિયા પ્રતિ કિલોગ્રામ પહોંચી ગઈ છે. આ પહેલાના સત્રમાં ચાંદીની કિંમત 69,009 રૂપિયા પ્રતિ કિલોગ્રામ રહી હતી. 

વૈશ્વિક બજારમાં સોનાનો ભાવ (Gold Price in Global Market)
આંતરરાષ્ટ્રીય સ્તર પર સોનાનું મૂલ્ય વધારા સાથે 1871 ડોલર પ્રતિ ઔંસ પર પહોંચી ગયું. બીજીતરફ ચાંદીની કિંમતોમાં ઉછાળ જોવા મળ્યો. આંતરરાષ્ટ્રીય સ્તર પર ચાંદીની કિંમત સોમવારે 29.88 ડોલર પ્રતિ ઔંસ પર પહોંચી ગઈ હતી. 

સરકારે સોમવારે સોના તથા ચાંદી પર આયાત શુલ્ક ઘટાડવાની જાહેરાત કરી છે. તેનાથી ઘરેલૂ બજારોમાં આ મૂલ્યવાન ધાતુઓની કિંમતો નીચે લાવવામાં મદદ મળશે. બીજીતરફ તેનાથી રત્નો તથા આભૂષણોની નિકાસને પ્રોત્સાહન આપવામાં પણ સહાયતા મળશે.