શું તમે પણ રેલવે સ્ટેશન પર ધંધો કરવા માંગો છો? જાણો દુકાન ખોલવાની શું છે પ્રોસેસ

Shop At Railway Station: ભારતીય રેલ્વે પાસે વિશાળ નેટવર્ક છે. દેશમાં લગભગ દરેક વ્યક્તિ એક યા બીજા સમયે ટ્રેનમાં મુસાફરી કરે છે. રોજના લાખો નોકરીયાત લોકો પણ ટ્રેનોમાં મુસાફરી કરે છે. માત્ર જો વાત દેશની આર્થિક રાજધાની મુંબઈની કરવામાં આવે તો રેલવે આ શહેરની લાઈફલાઈન છે. અહીં ની લોકલ જ અહીંનો પ્રાણવાયુ છે. કારણકે, અહીં સડકો પર ચાલવાની જગ્યા નથી. તેથી લોકો સાવસસ્તામાં ટ્રેનમાં જ આવાગમન કરે છે. પરંતુ જ્યારે બિઝનેસની વાત આવે તો તમે રેલવેમાં જોડાઈને પણ બિઝનેસ કરી શકો છો. આટલું જ નહીં આનાથી તમને સારી આવક પણ થશે.

રેલવેની વિશેષ સુવિધા હેઠળ તમે રેલવે સ્ટેશન પર દુકાન ખોલી શકો છો. કોઈપણ સ્ટેશન પર લોકોની ઘણી અવરજવર હોય છે, તેના કારણે તમારી આવક પણ બમ્પર થશે. કેટલાક લોકો સ્ટેશન પર દુકાન ખોલવા માંગે છે પરંતુ તેઓ તેની પ્રક્રિયાથી વાકેફ નથી.

દેશમાં 7 હજારથી વધુ રેલવે સ્ટેશન છે, જેના દ્વારા દરરોજ લાખો લોકો મુસાફરી કરે છે. આ સ્ટેશનો પર મુસાફરોની એટલી ભીડ હોય છે કે તમે અહીં નાની દુકાન ખોલીને પણ તમારા ઘરનો ખર્ચો કરી શકો છો. જો તમને ખબર હોય કે ચા, કોફી કે નાસ્તો કેવી રીતે બનાવવો. તો તમે રેલવે સ્ટેશન પર નાનો સ્ટોલ લગાવીને આ વસ્તુઓ વેચી શકો છો.

આ સિવાય તમે પુસ્તકો વેચવાનો બિઝનેસ પણ શરૂ કરી શકો છો. હવે તમને રેલ્વે સ્ટેશન પર કોઈપણ શહેરની સ્પેશિયલ પ્રોડક્ટ્સ સંબંધિત દુકાનો પણ જોવા મળશે. પરંતુ સ્ટેશન પર દુકાન ખોલવી એટલી સરળ નથી. આ માટે તમારે કેટલાક નિયમોનું પાલન કરવું પડશે. અમને જણાવો કે તમે રેલ્વે સ્ટેશન પર તમારી દુકાન કેવી રીતે શરૂ કરી શકો છો.

હવે રેલવે સ્ટેશનોની હાલત પહેલા જેવી નથી. રેલ્વે સ્ટેશન પર સ્વચ્છ પ્રતીક્ષા વિસ્તારોથી લઈને હાઈટેક કાફે અને રેસ્ટોરન્ટ સુધીની સુવિધાઓ ઉપલબ્ધ છે. સ્ટેશન પર દુકાન ખોલવા માંગતા લોકો માટે રેલવે દ્વારા સમયાંતરે ટેન્ડર બહાર પાડવામાં આવે છે. આ ટેન્ડર મેળવીને તમે રેલ્વે સ્ટેશન પર તમારી મનપસંદ દુકાન સરળતાથી ખોલી શકો છો.

રેલ્વેની ટેન્ડર પ્રક્રિયા તપાસવા માટે, તમે IRCTC ના કોર્પોરેટ પોર્ટલ પર સમયાંતરે સક્રિય ટેન્ડરો ચકાસી શકો છો. આ સિવાય રેલ્વેના વિવિધ ઝોન દ્વારા બહાર પાડવામાં આવેલ ટેન્ડરોની યાદી પ્રાદેશિક રેલ્વેની વેબસાઈટ પર આપવામાં આવી છે. તમે જે પ્રકારની દુકાન ખોલવા માંગો છો તેની યોગ્યતા જોયા પછી તમે અરજી કરી શકો છો. ટેન્ડરની કેટેગરી અનુસાર તમારે 40,000 થી 3 લાખ રૂપિયા જમા કરાવવા પડશે. આ ફી દુકાનના સ્થાન અને કદના આધારે બદલાઈ શકે છે.

સ્ટેશન પર દુકાન ખોલવા માટે સૌથી મહત્વની બાબત એ છે કે દુકાન માટે જગ્યા મેળવવી. આ માટે, IRCTC વેબસાઇટ અને ઝોનની સત્તાવાર વેબસાઇટ સમયાંતરે તપાસતા રહો. રેલ્વે સ્ટેશન પર દુકાન ખોલવાની પ્રક્રિયા માટે તમારી પાસે આધાર કાર્ડ, પાન કાર્ડ, પાસપોર્ટ, વોટર આઈડી કાર્ડ જેવા જરૂરી દસ્તાવેજો હોવા જરૂરી છે.