વિરોધ બાદ આજે ન વધ્યા પેટ્રોલ-ડીઝલના ભાવ, આ ભાવે અમદાવાદમાં મળશે..

ઝી મીડિયા/બ્યૂરો :ડીઝલ-પેટ્રોલના ભાવમાં દેશવ્યાપી વિરોધ સામે આવ્યા બાદ હવે આજે પેટ્રોલ-ડીઝલના ભાવ (Petrol-Diesel price today) માં કોઈ પરિવર્તન આવ્યું નથી. જોકે, આ મહિને સતત 21 દિવસ સુધી પેટ્રોલ ડીઝલના ભાવમાં કમરતોડ ભાવ વધારો થયો છે, પરંતુ આજે 22મા દિવસે ભાવ વધારો કરાયો નથી. અમદાવાદમાં આજે પેટ્રોલનો ભાવ 77.88 રૂપિયા તથા ડીઝલનો ભાવ 77.81 રૂપિયા છે. ગઈકાલે સોમવારે ડીઝલ 13 પૈસા મોંઘું અને પેટ્રોલના કિંમતમાં 5 પૈસાનો વધારો થયો હતો. 

શહેર              પેટ્રોલનો ભાવ          ડીઝલનો ભાવ 
અમદાવાદ           77.88                    77.81
દિલ્હી                  80.43                    80.53
મુંબઈ                  87.19                    78.83
ચેન્નઈ                  83.63                    77.72
કોલકાત્તા              82.1                     75.64

સતત 21 દિવસ રાહત મળી
સરકારી તેલ કંપનીઓ (Government oil companies) એ આ મહિને સતત 21 દિવસ સુધી બળતણના ભાવમાં વધારો કર્યો છે. જેના બાદ રવિવારે બ્રેક લીધો હતો. એટલે કે સોમવારે વધારો કરવામાં આવ્યો હતો. દેશભરમાં કોંગ્રેસ દ્વારા પેટ્રોલ ડીઝલના ભાવ મામલે વિરોધ પ્રદર્શન કરવામાં આવ્યું હતું. જેના બાદ આજે મંગળવારે ભાવમાં કોઈ પરિવર્તન કરવામાં આવ્યું નથી. દિલ્હીમાં આજે પેટ્રોલના ભાવ 80.43 રૂપિયા તથા ડીઝલનો ભાવ 80.53 રૂપિયા છે. 

તમારા શહેરમાં આજના ભાવ
પેટ્રોલ ડીઝલના ભાવમાં રોજ બદલાવ આવતા રહે છે. સવારે 6 વાગે અપડેટ થાય છે. પેટ્રોલ ડીઝલના રોજના ભાવ તમે  SMS ના માધ્યમથી જાણી શકો છો. (How to check diesel petrol price daily)। ઈન્ડિયન ઓઈલના ગ્રાહક RSP લખીને  9224992249 નંબર પર અને બીપીસીએલ ગ્રાહકો RSP લખીને 9223112222 નંબર પર મેસેજ મોકલીને માહિતી મેળવી શકે છે. તો એચપીસીએલ ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.