Fordની કાર પર SBIની ઓફર, ગ્રાહકોને એક સાથે મળશે ઘણા ફાયદા

નવી દિલ્હીઃ તહેવારોની સીઝનમાં જો તમે કાર ખરીદવાનું વિચારી રહ્યાં છો તો તમારા માટે સારા સમાચાર છે. હકીકતમાં દેશની સૌથી મોટી સરકારી બેન્ક એસબીઆઈ લગ્ઝરી કાર કંપની ફોર્ડની Freestyle ગાડી બુકિંગ પર ઘણા પ્રકારની ઓફર આપી રહી છે. 

શું છે ઓફર
એસબીઆઈના ટ્વીટર એકાઉન્ટ પર આપવામાં આવેલી જાણકારી પ્રમાણે જો તમે એસબીઆઈની એપ YONO દ્વારા ફોર્ડ Freestyle ગાડીનું બુકિંગ કરો છો તો 8,586 રુપિયા સુધીનો સામાન ફ્રી મળશે. આ સિવાય ગાડી ખરીદવા માટે ઓટો લોનનું વિચારી રહ્યાં છો તો તમે બેન્ક 7.50 ટકા વ્યાજ પર લોન આપશે. આ ઓટો લોનની ખાસ વાત છે કે તત્કાલ અપ્રૂવ થશે અને કોઈ પ્રોસેસિંગ ફી પણ ભરવી પડશે નહીં. 

તમને જણાવી દઈએ કે ગાડીની સેલ, ક્વોલિટી, ફીચર્ચ સહિત અન્ય વાતોની જવાબદારી ફોર્ડની હશે. એસબીઆઈએ સ્પષ્ટ રીતે કહ્યું કે, તેની જવાબદારી બેન્કની રહેશે નહીં.