UPI દ્વારા ATM વડે એકાઉન્ટમાં જમા કરાવી શકશો પૈસા, શું છે RBI ની નવી સ્કીમ

Cash Deposit Through UPI: પહેલાં લોકોને બેંક સાથે સંકળાયેલા કામ કરવા હોય તો તેમને બેંક જવું પડતું હતું. પછી ભલે તે પૈસા નિકાળવાનું કામ હોય અથવા પૈસા જમા કરાવવાનું કે પછી બીજું કોઇ. પહેલાં આ કામો માટે બેંકોમાં ભીડ જામતી હતી. પરંતુ હવે તેમાંથી ઘણા બધા કામો માટે બેંક જવાની જરૂર પડતી નથી. ઘરેબેઠાં જ ઘણા કામ પુરા થઇ જાય છે. તો બીજી તરફ પૈસા નિકાળવા માટે પણ હવે એટીએમ છે. 

જેની મદદથી લોકો પોતાના ઘરની નજીકથી પૈસા ઉપાડી શકશે. પણ પૈસા જમા કરાવવાની વાત હોય તો. આજે પણ લોકોને આ માટે બેંકમાં જવું પડે છે. જો કે, હવે કેશ ડિપોઝીટ મશીનો ઇન્સ્ટોલ કરવામાં આવ્યા હોવાથી સરળતાથી પૈસા જમા કરાવી શકાય છે. પરંતુ હવે રિઝર્વ બેંક ઓફ ઈન્ડિયા UPI દ્વારા પૈસા જમા કરવા માટે એક નવી સ્કીમ લાવી રહી છે. ચાલો તેના વિશે જાણીએ... 

UPI દ્વારા ATM વડે જમા કરો પૈસા
યૂપીઆઇ આવ્યા બાદ દેશમાંન ડિજિટલ પેમેન્ટની ક્રાંતિ આવી છે. હવે ઘણા બધા લોકો લગભગ પોતાના બધા પેમેન્ટ આ માધ્યમથી કરે છે. તો બીજી તરફ રિઝર્વ બેંક ઓફ ઇન્ડીયાએ યૂપીઆઇ દ્વારા એકાઉન્ટમાં પૈસા જમા કરાવવા માટે એક યોજના લાવવાની જાહેરાત કરી છે. લોકો હવે યૂપીઆઇ અંતગર્ત કેશ ડિપોઝિટ મશીનથી હવે એકાઉન્ટમાં પૈસા જમા કરી શકશે. આરબીઆઇના ગર્વનર શક્તિકાંત દાસે શુક્રવારે મોનિટરી પોલિસી વિશે જણાવતાં આ વિશે જાણકારી આપી. 

જલદી જ જાહેર કરવામાં આવશે ગાઇડલાઇન
હાલ લોકો બેંકમાં ડિપોઝિટ રિસિપ્ટ ભરીને તેમાં એકાઉન્ટ નંબર લખીને કેશ ડિપોઝિટ કરે છે. અથવા પછી તે કેશ ડિપોઝિટ મશીનથી કાર્ડ દ્વારા કેશ ડિપોઝિટ કરે છે. પરંતુ આરબીઆઇ આ નવી પોલિસી અંતગર્ત લોકોને વધુ સુવિધા આપશે. યૂપીઆઇનો ઉપયોગ કરવો ખૂબ જ સરળ હોય છે. 

જ્યાં હાલ યૂપીઆઇનો ઉપયોગ પેમેન્ટ કરવા માટે થાય છે. તો બીજી તરફ હવે યૂપીઆઇનો ઉપયોગ લોકો એકાઉન્ટમાં પૈસા પણ જમા કરી શકશે. શક્તિકાંત દાસે જણાવ્યું કે કેશ ડિપોઝિટ મશીનથી યૂપીઆઇ દ્વારા ખાતામાં પૈસા જમા કરાવવા માટે જલદી જ ગાઇડલાઇન્સ જાહેર કરવામાં આવશે.