આલિયાએ કર્યો ભીનું સંકેલવાનો પ્રયાસ? રણબીર સાથેના વિવાદાસ્પદ ઝઘડાની કરી `આ` સ્પષ્ટતા

મુંબઈ : બોલિવુડમાં આ સમયે આલિયા ભટ્ટ અને રણબીર કપૂરની જોડીને સૌથી હોટ કપલ માનવામાં આવે છે. થોડા દિવસ પહેલા સોશિયલ મીડિયા પર એક વીડિયો વાયરલ થયો હતો જેમાં રણબીર અને આલિયા એકબીજા સાથે ઝઘડો કરી રહ્યા હોય એવું લાગતું હતું. વીડિયોમાં રણબીર-આલિયાના હાવભાવ પરથી એવું જ લાગે છે કે બંને વચ્ચે કોઈ બાબતે બોલાચાલી થઈ રહી છે. આ વીડિયો પછી રણબીર અને આલિયાના સંબંધો પર ફરી સવાલ થવા લાગ્યા છે. આલિયાના ચાહકો તો તેને સ્પષ્ટ શબ્દોમાં રણબીરના ચક્કરમાંથી બહાર નીકળી જવાની સલાહ આપી રહ્યા છે.

આ વીડિયો વિશે આલિયાએ હવે પ્રતિક્રિયા આપતાં કહ્યું કે તેણે વેલેન્ટાઇન ડે સારી રીતે એન્જોય કર્યો છે. હાલ તે આ સમયે તેની ફિલ્મને પ્રમોટ કરી રહી છે એટલા માટે વેલેન્ટાઇન ડે પર મોડી ઊઠી હતી. આલિયાએ જણાવ્યું કે વેલેન્ટાઇન્સ ડેના દિવસે તેને ઢગલો મેસેજ મળ્યા હતા જેમાંથી મોટા ભાગના મેસેજ તો મેરેજ પ્રપોઝલના હતા. વેલેન્ટાઇન ડે પર આલિયા-રણબીરે સાથે ડિનર કર્યું હતું. જોકે, હાલમાં આલિયાની આ સ્પષ્ટતા વિવાદનું ભીનું સંકેલવાનો પ્રયાસ માત્ર લાગે છે.