સલમાન સાથે કામ કરનાર ‘છોટે અમર ચૌધરી’ હવે નથી રહ્યાં, માત્ર 27 વર્ષની ઉંમરે નિધન

ઝી મીડિયા/બ્યૂરો :એક્ટર મોહિત બધેલ (Mohit Baghel) જેઓએ કોમેડી શઓ ‘છોટે મિયા’ની સાથે શોબિઝમાં પોતાના કરિયરની શરૂઆત કરી હતી, કેન્સરને કારણે તેમનુ નિધન થયું છે. તે માત્ર 27 વર્ષના જ હતા. આ સમાચારની પુષ્ટિ કોમેડી સર્કલના લેખક અને નિર્દેશક અને કોમેડી નાઈટ્સ વિથ કપિલના નિર્દેશક રાજ શાંડિલ્ય (Raaj Shaandilyaa) એ કરી છે. રાજે કરેલી આ ટ્વિટ બાદ સમગ્ર બોલિવુડમાં શોકની લહેર ફેલાઈ ગઈ છે. ઉલ્લેખનીય છે કે, તાજેતરમાં જ બોલિવુડના બે દિગ્ગજ સ્ટાર ઋષિ કપૂર અને ઈરફાન ખાનનું નિધન થયુહતું. ત્યારે એક મહિનામાં કેન્સરથી નિધન પામનાર તેઓ ત્રીજા એ્કટર છે.