સત્ય આવ્યું સામે... બિગબીએ આખરે કહ્યું કે ઋષિ કપૂરને હોસ્પિટલમાં કેમ મળવા ન ગયા

ઝી મીડિયા/બ્યૂરો :બોલિવુડના મેગાસ્ટાર અમિતાભ બચ્ચને (Amitabh Bachchan) પોતાના મિત્ર ઋષિ કપૂર વિશે બ્લોગમા એક ભાવુક નોટ લખી છે. ઋષિ કપૂર (Rishi Kapoor) નું ગુરુવારે નિધન થયું હતું. બિગબીએ કહ્યું કે, તેઓ હોસ્પિટલમાં દિવંગત દિગ્ગજ સ્ટારને ક્યારેય ન મળ્યા. કારણ કે, તેઓ કપૂરના હસતા ચહેરા પર ક્યારેય દર્દ જોવા માંગતા ન હતા. હસતો રહેતો કરુણ ચહેરો. અમિતાભે પોતાના બ્લોગ પર લખ્યું કે, હુ જ્યારે પણ રાજ જીના ચેમ્બૂર સ્થિત તેમના ઘર દેવનાર કોટેજમાં ગયો છું, મેં એ દુર્લભ ક્ષણોમાં તેઓને એક યુવા ઉર્જાવાન, ચુલબૂલા, પોતાની આંખોમાં શરારત લઈને ફરતા ચિંટુના રૂપમાં જોયા છે. 

તેમણે લખ્યું કે, મેં આરકે સ્ટુડિયોમાં તેઓને અનેકવાર જોયા છે, જ્યારે તેઓ ફિલ્મ બોબી માટે અભિનેતા તરીકે તૈયારી કરી રહ્યા હતા, ત્યારે એક મહેનતી અને ઉત્સાહી નવયુવાન, દરેક બાબત શીખવા પર ધ્યાન આપવા માટે તૈયાર હતા. બિગબીએ લખ્યું કે, ઋષિના ચાલવાની એક ખાસ સ્ટાઈલ હતા. જે આશ્વસ્ત અને દ્રઢ દેખાતી હતી. એક ખાસ સ્ટાઈલ જે તેઓના દાદા, મહાન પૃથ્વીરાજજીની જેમ હતી. એક ચાલ, જે મે તેમની અનેક જૂની ફિલ્મોમાં એકવાર જોઈ હતી. એ ચાલ, જેને મે ક્યારેય કોઈનામાં ન જોઈ. 

તેમણે કહ્યું કે, જ્યારે પણ શુટિંગ દરમિયાન શોટ માટે વચ્ચે સમય રહેતો, તો તેઓ રમવા માટે કાર્ડસ કાઢતા હતા અને બીજાને પણ રમવા માટે બોલાવતા હતા. હું તેઓને હોસ્પિટલ મળવા ક્યારેય ન ગયો. કારણ કે, તેમના હસતા ચહેરા પર દર્દ જોવા માંગતો ન હતો. બિગબીએ આખરમાં લખ્યું કે, પરંતુ હું નિશ્ચિત છું કે, જ્યારે તેઓએ આ દુનિયાને અલવિદા કહી હશે, તો તેઓ એક સૌમ્ય મુસ્કાન સાથે અહીંથી ગયા હશે.