ટેસ્ટ રિપોર્ટ નેગેટિવ... અમિતાભ બોલ્યા- ખોટું, બેજવાબદાર, બનાવટી અને ગંભીર જૂઠાણું છે

મુંબઈઃ હિન્દી સિનેમાના મહાનાયક અમિતાભ બચ્ચન છેલ્લા ઘણા દિવસથી કોરોના સામે જંગ લડી રહ્યાં છે. પરંતુ સાથે તે અફવા ઉડી રહી છે કે અમિતાભ બચ્ચન સ્વસ્થ થઈ ગયા છે. માનવામાં આવી રહ્યું છે કે બિગ બીનો કોરોના ટેસ્ટ નેગેટિવ આવ્યો છે, અને બે-ચાર દિવસમાં હોસ્પિટલમાંથી રજા આપી દેવામાં આવશે. પરંતુ અમિતાભે ખુદ ટ્વીટ કરીને આ અફવાઓ પર વિરામ લગાવી દીધો છે. 

અમિતાભ બચ્ચન આ સમયે મુંબઈની નાણાવટી હોસ્પિટલમાં દાખલ છે. અફવા હતી કે કોરોના ટેસ્ટ નેગેટિવ આવ્યા બાદ બે-ત્રણ દિવસમાં બિગ બી ઘરે પરત ફરી શકે છે. પરંતુ બિગ બીએ ટ્વીટ કરીને લખ્યુ- આ ખોટું, બેજવાબદાર, બનાવટી અને ગંભીર જૂઠાણું છે. 

અમિતાભ બચ્ચન સતત ટ્વીટરની મદદથી પોતાના ફેન્સ સાથે જોડાયેલા છે અને દુવા કરવા માટે તેમનો આભાર માની રહ્યાં છે. ફેન્સ મહાનાયક અમિતાભ બચ્ચન અને તેમના પરિવાર જલદી સાજા થાય તે માટે પ્રાર્થનાઓ કરી રહ્યાં છે. 

જુઓ LIVE TV