કોંગ્રેસીઓએ કર્યો Sonu Sood નો વિરોધ, કહી દીધા BJP એજન્ટ

ઝી મીડિયા/બ્યૂરો :એક્ટર સોનુ સૂદ (Sonu Sood) લોકડાઉનના દિવસોમાં મજૂરોની મદદમાં જોડાયેલો રહ્યો હતો. કોરોના વાયરસની મહામારીને કારણે થયેલા લોકડાઉનને કારણે લાખો લોકો મહારાષ્ટ્રના અલગ અલગ હિસ્સાઓમાં ફસાઈ ગયા હતા. જેઓને આકરા તડકામાં પગપાળા જતા જોઈને સોનુ સૂદે બસોની વ્યવસ્થા કરી હતી. હવે પ્રવાસીઓ માટે સોનુ સૂદ કોઈ સુપરહીરોથી ઓછો નથી બન્યો. સોશિયલ મીડિયા પર તેને મજૂરોના મસીહા તરીકે ઓળખ મળી હતી. તે સતત રોકાયા વગર કામ કરતો જોવા મળ્યો હતો. આ માટે તેણે એક હેલ્પલાઈન નંબર પર જાહેર કર્યો હતો. પરંતુ કેટલાક લોકોને સોનુ સૂદનું આ નેકીનું કામ ગમ્યું નહિ લાગે છે.