કોરોનાની રસી મૂકાવનારી બોલીવુડની પહેલી અભિનેત્રી...જેણે UAE માં કરાવ્યું વેક્સીનેશન

નવી દિલ્હી: કોરોના રસીની દરેક આતુરતાપૂર્વક રાહ જોઈ રહ્યા છે. બહુ જલદી દેશમાં કોરોના રસીકરણ અભિયાન શરૂ થશે. દુનિયામાં પણ અનેક દેશોમાં કોરોના રસી મૂકવાની પ્રક્રિયા શરૂ થઈ ગઈ છે અને લોકો કોરોનાની રસી મૂકાવવા લાગ્યા છે. બોલીવુડની જાણીતી અભિનેત્રી શિલ્પા શિરોડકરે પણ કોરોનાની રસી મૂકાવી લીધી છે. 

શિલ્પાએ મૂકાવી કોરોનાની રસી
બોલીવુડની અભિનેત્રી શિલ્પા શિરોડકરે કોરોનાની રસી મૂકાવી લીધી છે. સોશિયલ મીડિયા પર રસી મૂકાવ્યા બાદ અભિનેત્રીએ એક પોસ્ટ શેર કરી છે. શિલ્પાએ લખ્યું કે, 'રસી મૂકાવી લીધી છે અને હવે હું સુરક્ષિત છું. Thank you UAE'. આ કેપ્શનથી જાણવા મળે છે કે તેણે UAEમાં રસી મૂકાવી છે. 

શિલ્પાએ કરી આ ફિલ્મો
શિલ્પા શિરોડકરે કિશન કનૈયા, ત્રિનેત્ર, દિલ હી તો હૈ, આંખે, પહચાન, ગોપી કિશન, મૃત્યુદંડ જેવી હીટ ફિલ્મો કરી છે. છેલ્લે તે 'ગજ ગામિની'માં જોવા મળી હતી. લગ્ન બાદ તેણે કામ છોડી દીધુ હતું. ત્યારબાદ 10 વર્ષે ટીવી શોમાં કામ કર્યું અને 'એક મુઠ્ઠી આસમાન' સીરિયલમાં તે જોવા મળી.