ટીવી-ફિલ્મોના શૂટિંગ માટે કેન્દ્ર સરકારની ગાઇડલાઇન, આ નિયમનું પાલન ફરજીયાત

નવી દિલ્હીઃ ટીવી-ફિલ્મોના શૂટિંગ માટે વિસ્તૃત ગાઇડલાઇન જારી કરી દેવામાં આવી છે. કેન્દ્રીય મંત્રી પ્રકાશ જાવડેકરે રવિવારે એસઓપી ટ્વીટ કરી જણાવ્યું કે, તેનાથી ક્રૂ માટે સુરક્ષિત માહોલ બનાવવામાં મદદ મળશે. ગાઇડલાઇન્સમાં બધી જગ્યાઓ પર ફેસ માસ્કના પ્રયોગ અને ફિઝિકલ ડિસ્ટેન્સિંગને ફરજીયાત કરવામાં આવ્યું છે. આ એક્ટરો પર લાગૂ થશે નહીં. સીટિંગ, કેટરિંગ, ક્રૂ પોઝિશન, કેમેરા લોકેશનમાં અંતર જાળવવું પડશે. રેકોર્ડિંગ સ્ટૂડિયો, એડિટિંગ રૂમમાં પણ સોશિયલ ડિસ્ટેન્સિંગનું પાલન કરવું પડશે. હાલ સેટ્ર પર ઓડિયન્સને આવવાની મંજૂરી આપવામાં આવી નથી.