ક્રિકેટ બાદ હવે સિનેમામાં એન્ટ્રી કરશે હરભજન સિંહ, ફિલ્મ `ફ્રેન્ડશિપ`માં કરશે લીડ રોલ

નવી દિલ્હીઃ ભારતીય ક્રિકેટ ટીમના પૂર્વ બોલર હરભજન સિંહ પોતાની રમતથી લોકો વચ્ચે ખુબ લોકપ્રિય રહ્યો છે. હવે તે સિલ્વર સ્ક્રીન પર પોતાનો જલવો દેખાડશે. હરભજન સિંહ ફિલ્મ 'ફ્રેન્ડશિપ'થી અભિનયમાં પર્દાપણ કરવા માટે તૈયાર છે. ભારતીય સિનેમામાં આ પ્રથમ વખત થશે, જ્યારે કોઈ ફિલ્મમાં ભારતીય ક્રિકેટ મુખ્ય ભૂમિકામાં હશે. ફિલ્મ મેકર્સે સોશિયલ મીડિયા પર તેની જાહેરાત કરી છે. 

મેકર્સે ફિલ્મનું પોસ્ટ કર્યું રિલીઝ
મેકર્સે ટ્વીટર પર ફિલ્મનું ફર્સ્ટ લુક પોસ્ટર શેર કર્યું છે. પોસ્ટરની સાથે લખ્યું, 'ભારતીય સિનેમામાં પહેલી વાર. ભારતીય ક્રિકેટર હરભજન સિંહ અપકમિંગ ફિલ્મ 'ફ્રેન્ડશિપ'માં લીડ રોલ પ્લે કરશે.' આ ફિલ્મના પોસ્ટરમાં કોઈનો ચહેરો તો દેખાઈ રહ્યો નથી પરંતુ તેમાં હાથકડી લાગેલા બે હાથ અને ક્રિકેટનું ખાલી મેદાન જોવા મળી રહ્યું છે.