રાજકોટ ચોટીલા હાઈવે પર મોત કાળ બનીને ત્રાટક્યું, પિતૃ કાર્ય માટે જતા કોળી પરિવારના 4 સભ્યોના મોત

Rajkot News : રાજકોટ ચોટીલા હાઈવે ફરીથી રક્તિરંજિત બન્યો છે. આ નેશનલ હાઈવે પર અનેક લોકોના જીવ ગયા છે. ત્યારે રાજકોટ ચોટીલા નેશનલ હાઇવે પર ચોટીલા પાસે ભયાનક મોટો અકસ્માત સર્જાયો હતો. ચોટીલાના આપા ગીગાના ઓટલા નજીક મોડી રાત્રે બોલેરો પિકઅપ અને ટ્રક વચ્ચે થયેલી જોરદાર ટક્કરમાં એક જ પરિવારના ચાર લોકોના કમકમાટીભર્યા મોત નિપજ્યાં છે. 

પ્રાપ્ત માહિતી અનુસાર, લીંબડીના શિયાણી ગામનો રહેવાસી રેથરીયા કોળી પરિવાર પિતૃ તર્પણની વિધિ માટે સોમનાથ જઈ રહ્યો હતો. ચોટીલા-રાજકોટ નેશનલ હાઈવે પર સોમવારે મોડી રાતે ટ્રક અને ટેમ્પો વચ્ચે અકસ્માત સર્જાયો છે. ચોટીલા-રાજકોટ નેશનલ હાઈવે પર ગીગાના ઓટલા પાસે ટ્રક અને ટેમ્પો ધડાકાભેર અથડાયા હતા. 

ચાર લોકોના મોત
આ ગમખ્વાર અકસ્માતમાં કોળી પરિવારના ચાર લોકોને કાળ ભરખી ગયો છે. જેમાં સગા દેરાણી જેઠાણીના મોત નિપજ્યાં છે. તો અન્ય 15 લોકોને વધુને સારવાર માટે હોસ્પિટલમાં ખસેડાયા છે. પરિવારના 15 થી વધુ લોકોને નાની મોટી ઈજાઓ પહોંચતા સારવાર માટે હોસ્પિટલ ખસેડવામાં આવ્યાં છે. 

મૃતકોના નામ 

• મગજીબેન ગોબરભાઈ રેથરીયા ઉ.૭૨
• ગલાલબેન કાળુભાઈ રેથરીયા ઉ ૬૦ 
• મંજુબેન ઘનશ્યામભાઈ રેથરીયા ઉ.૬૫ 
• ગૌરીબેન પાંચાભાઈ રેથરીયા ઉ.૬૮નો સમાવેશ થાય છે.