HBD: બોલીવુડના ગોલ્ડ મેનનો આજે બર્થ-ડે, આ રીતે કરી પોપ મ્યૂઝીકની શરુઆત

નવી દિલ્હી: બોલીવુડના ડિસ્કો નંબર્સ આજે પણ પબ અને બારર્સમાં પાર્ટીની રોનક વધારે છે. 70-80ના દશકમાં ડિસ્કોની ધૂન પર નાચતા એક્ટર મિથુનના ગીતો આજે પણ સદાબહાર છે. પરંતુ શું તમે જાણો છો કે ભારતમાં પોપ અને ડિસ્કો મ્યૂઝીકની શરૂઆત કેવીરીતે થઇ? બોલીવુડના ગોલ્ડ મેન બપ્પી લહેરી જેમને બધા બપ્પી દાના નામથી જાણે છે. તેમણે હિન્દી ફિલ્મોમાં પોપ મ્યૂઝીકની શરૂઆત કરી હતી. આજે બપ્પી દા તેમનો 65મો જન્મદિવસ ઉજવી રહ્યાં છે.

ગોલ્ડની જ્વેલેરીને પોતાના માટે લકી માનતા બપ્પી દાનો જન્મ 27 નવેમ્બર 1952માં કોલકાતામાં થયો હતો. બપ્પી લહેરી 70ના દશકમાં બોલીવુડમાં એન્ટ્રી મારી હતી અને 80ના દશક સુધીમાં લોકોમાં છવાઇ ગયા હતા. ત્યાર બાદ બપ્પી દાના ગીતો આજે પણ ડાન્સ ફ્લોર પર લોકોને ડાન્સ કરવા માટે મજબુર કરી દે છે. વર્ષ 2011માં રિલીઝ થયેલી ડર્ટી પિક્ચરનું ગીત ઉ લા લા ઉ લા લા... સુપરહિટ થયું હતું.

વાંચવા માટે અહીં ક્લિક કરો: પાર્ટીમાં રણવીરે ખોલી દીપિકાની પોલ, આ નામથી ચિઢાવે છે દુલ્હનને...

19 વર્ષની ઉંમરે છોડ્યું ઘર
બપ્પી દાનો જન્મ પ્રસિદ્ધ બંગાળી ગાયક અપરેશ લહેરી અને સંગીતકાર માતા બાંસરી લહેરીના ઘરે થયો હતો. બપ્પી દાએ ત્રણ વર્ષની ઉંમરથી સંગતીની સિક્ષા લેવાની શરૂ કરી દીધી હતી. તેઓ સંગીત તેમના માતા-પિતા પાસેથી સીખ્યા છે અને પહેલી વખત બંગાળી ફિલ્મ ગીત ગાયુ હતું. બપ્પી લહેરી 19 વર્ષની ઉંમરમાં કોલકાતા છોડી મુંબઇ આવી ગયા હતા. વર્ષ 1973માં તેમણે પહેલીવાર ‘નન્હા શિકારી’માં સંગીત આપવાની તક મળી હતી.

500થી વધારે ફિલ્મો માટે ગીતો કર્યા કંપોઝ
બપ્પી દા 45 વર્ષના ફિલ્મ કરિયરમાં લગભગ 500થી વધારે ફિલ્મો માટે ગીતો કંપોઝ કરી ચૂક્યા છે. બપ્પી દાના ગીતો ‘બંબઇ સે આયો મેરા દોસ્ત’, આઇ એએમ એ ડિસ્કો ડાંસર, જૂબી-જૂબી, યાદ આ રહા હૈ તેરા પ્યાર, યાર બિના ચેન કહાં રે, તમ્મા તમ્મા લોગે, જેવા અનેક ગીતો આજે પણ લોકો દ્વારા સાંભળવા મળે છે.