ભાઈજાનની ગર્લફ્રેન્ડ યુલિયાએ બર્થ-ડેમાં આપી પ્રેમથી છલકાતી ગિફ્ટ, સલ્લુએ કર્યું જાહેરમાં પ્રદર્શન

મુંબઈ : હાલમાં સલમાન ખાને પોતાના મિત્રો અને પરિવારજનો સાથે પનવેલના ફાર્મહાઉસમાં પોતાનો 53મો જન્મદિવસ સેલિબ્રેટ કર્યો હતો. આ પ્રસંગે સલમાનને તેની ગર્લફ્રેન્ડ યુલિયાએ પ્રેમથી છલકાતી ગિફ્ટ આપી છે. મળતી માહિતી પ્રમાણે યુલિયાએ બોયફ્રેન્ડ સલમાનને ગિફ્ટ તરીકે ગળામાં પહેરવાની રોમેનિયન સ્ટાઇલની ક્રોસની જ્વેલરી આપી છે. સલમાને પણ જાહેરમાં આ ક્રોસને પહેરીને એનું પ્રદર્શન કર્યું હતું.

યુલિયા હવે બોલિવૂડમાં શરૂઆત કરવામાં જઈ રહી છે. તે ‘રાધા ક્યોં  ગોરી મેં ક્યોં કાલા’ નામની ફિલ્મ કરી રહી છે. કહેવામાં આવી રહ્યું છે કે સલમાન ખાન આ ફિલ્મમાં પૈસા લગાવી રહ્યા છે. જોકે આ વાત હજુ સુધી ખુલીને સામે આવી નથી કારણ કે ફિલ્મનું નિર્દેશન પ્રેમ આર. સોની કરી રહ્યા છે અને તે સલમાનનો સારા મિત્ર છે.