કંગનાની ઓફિસમાં BMCએ કરી તોડફોડની કાર્યવાહી, અભિનેત્રીએ મુંબઈને ફરી કહ્યું PoK

મુંબઈઃ શિવસેના નેતાઓની ધમકી વચ્ચે અભિનેત્રી કંગના રનોત બુધવારે Y પ્લસ સુરક્ષામાં આજે બપોરે 2 કલાકે મુંબઈ પહોંચી રહી છે. તે મોહાલી એરપોર્ટ પર પહોંચી ચુકી છે. મુંબઈ પહોંચતા બીએમસી તેને ક્વોરેન્ટીન કરી શકે છે. આ વચ્ચે બીએમસીએ કંગનાની ઓફિસની બહાર નોટિસ લગાવી હતી. 

બીએમસીની એક ટીમે કંગનાની ઓફિસમાં તોડફોડની કાર્યવાહી શરૂ કરી દીધી છે. કંગનાના મુંબઈ વાળા ઘરની બહાર મુંબઈ પોલીસ પણ તૈનાત છે. તો સીઆરપીએફની એક ટીમ પણ કંગનાના ઘર પર હાજર છે. જડબેસલાક સુરક્ષાવ્યવસ્થા કરી દેવામાં આવી છે. 

આ વચ્ચે કંગનાએ ટ્વીટ કરીને બીએમસી કર્મીઓની તુલના બાબરની સેના સાથે કરી અને કહ્યું કે, આ મંદિર ફરીથી બનશે. હું ક્યારેય ખોટી નહતી અને મારા દુશ્મન વારંવાર સાબિત કરી રહ્યાં છે કે મારૂ મુંબઈ હવે પાકિસ્તાન અધિકૃત કાશ્મીર (પીઓકે) થઈ ગયું છે.