Birthday Special: આ બોલિવૂડ સિંગરે માધુરીને લગ્ન માટે કરી નાખી હતી રિજેક્ટ, જાણો કારણ

નવી દિલ્હી: બર્થડે ગર્લ માધુરી દીક્ષિતનો સંગીત અને નૃત્ય પ્રત્યેનો લગાવ કોઈથી છૂપાયેલો નથી. ત્રણ વર્ષની ઉંમરથી માધુરી દીક્ષિતે કથક શીખવાનું શરૂ કર્યું હતું અને આઠ વર્ષની ઉંમરે તેણે પહેલુ પરફોર્મન્સ આપ્યું હતું. જ્યારે તે 17 વર્ષની હતી ત્યારે રાજશ્રીની ફિલ્મ અબોધમાં કામ કરવાની તક મળી હતી. અબોધ તો ચાલી નહીં અને માધુરીએ પાછુ ભણવામાં ધ્યાન આપવા માંડ્યું. આજે માધુરીનો જન્મદિવસ છે. તેનો જન્મ 15મી મે 1967ના રોજ થયો હતો. 

તે દિવસોમાં બોલિવૂડમાં સિંગર સુરેશ વાડકરની બોલબાલા હતી. મરાઠી પરિવારોમાં તેમની સારી એવી ધાક હતી. માધુરીને પણ તેઓ ખુબ પસંદ હતાં. તે દિવસોમાં માધુરીનો સંગીત અને નૃત્યમાં રસ જોઈને એક કૌટુંબિક મિત્રએ સૂચન આપ્યું કે સુરેશ વાડકર માટે છોકરી શોધવામાં આવી રહી છે અને માધુરી તેમના માટે પરફેક્ટ રહેશે. માધુરીના પરિવારને પણ આ સંબંધ ગમી ગયો. જ્યારે સંબંધની વાત કરવા માટે પરિવારના સભ્ય સુરેશ વાડકરના ઘરે ગયા તો સુરેશે એકવાર માધુરીને મળવાની ઈચ્છા વ્યક્ત કરી હતી.