`સાથ નિભાના સાથિયા 2`નું પ્રથમ ટીઝર રિલીઝ, `રસોડા` અને `કુકર` તરફ ઇશારો

નવી દિલ્હીઃ ટીવી સીરિયલ 'સાથ નિભાના સાથિયા' (Saath Nibhana Sathiya) છેલ્લા કેટલાક દિવસથી સોશિયલ મીડિયા પર છવાયેલી છે. કોકિલાબેનનો મ્યૂઝિક રેપ વીડિયો ખુબ વાયરલ થયો હતો અને તેની સાથે દર્શકોના મનમાં શોની પ્રથમ સીઝનની યાદ તાજી થઈ ગઈ હતી. આ વચ્ચે 'સાથ નિભાના સાથિયા 2'નું ટીઝર રિલીઝ કરી દેવામાં આવ્યું છે. 

'સાથ નિભાના સાથિયા 2'નું પ્રથમ ટીઝર
સાથ નિભાના સાથિયા 2નું પ્રથમ ટીઝર સોમવારે રિલીઝ થયું છે. દેવોલીના ભટ્ટાચાર્જી (Devoleena Bhattacharjee)  જે ગોપી વહુના આઇકોનિક રોલમાં જોવા મળશે. તે નવી સીઝન માટે શોમાં પરત આવી ગઈ છે. મહત્વનું છે કે આ પહેલા ગોપી વહુની ભૂમિકા જિયા માનેકે ભજવી હતી. સીઝન 1નો રેપ વીડિયો ફેમસ થયા બાદ નવા ટીઝરમાં પણ રસોડા અને કુકર શબ્દનો ઉપયોગ કરવામાં આવ્યો છે.