Shahrukh Khan એ ફરી એકવાર જીત્યું બધાનું દિલ, કોરોના કાળમાં કરી આવી મદદ

નવી દિલ્હી: બોલીવુડના બાદશાહ શાહરૂખ ખાન (Shahrukh Khan) કોરોના વાયરસ વિરૂદ્ધની લડાઇમાં પોતાનું યોગદાન આપીને બધાનું દીલ જીતી રહ્યા છે. શાહરૂખ ખાને દિલ્હી, મહારાષ્ટ્ર, પશ્વિમ બંગાળ અને કેન્દ્ર શાસિત પ્રદેશ સહિત સમગ્ર ભારતમાં મદદ પહોંચાડી છે.

હવે SRK એ આખા મહારાષ્ટ્ર હેલ્થકેર ટીમોને 25,000 વ્યક્તિગત સુરક્ષા ઉપકરણ  (PPE) કિટ દાન કરી છે. આ કિટ્સનો ઉપયોગ કોરોના વાયરસ (Coronavirus) મહામારીની સારવારમાં કામે લાગેલા મહારાષ્ટ્રના ડોક્ટર્સની સુરક્ષા માટે કરવામાં આવે છે. તેના વિશે ખુદ મહારાષ્ટ્ર સરકારના પબ્લિક હેલ્થ અને ફેમિલિ વેલફેર મિનિસ્ટર રાજેશ તોપેએ જણાવ્યું છે. સ્વાસ્થ્ય મંત્રીએ શાહરૂખ ખાનની મદદ માટે ટ્વિટ કરીને ધન્યવાદ વ્યક્ત કર્યો છે.