મહિલા સિંગરનો અનુ મલિક પર આરોપ, કહ્યું -`હું તને ગાવાની તક આપીશ, તું મને KISS આપ`

મુંબઈ : સિંગર સોના મહાપાત્રાએ કેટલાક દિવસો પહેલા #MeToo મૂવમેન્ટ અંતર્ગત કૈલાશ ખેર પર જાતીય શોષણનો આરોપ લગાવ્યો હતો. આ દરમિયાન તેણે અનુ મલિકના શોષણખોર અનુભવ વિશે વાત કરી હતી. હવે, અનુ મલિક પર વધુ એક મહિલાએ આરોપ લગાવ્યો છે. સિંગર શ્વેતા પંડિતે ટ્વીટર પર પોતાની #MeToo સ્ટોરી શેર કરતા અનુ મલિક પર જાતીય શોષણનો આરોપ લગાવ્યો છે. તેણે જણાવ્યું કે, કઈ રીતે અનુ મલિકે તેને કામ આપવાના બદલામાં કિસની માંગ કરી હતી.

શ્વેતાએ પોતાની પોસ્ટમાં જણાવ્યું કે, આ બધું વર્ષ 2001માં થયું હતું, જ્યારે તે માત્ર 15 વર્ષની હતી. આટલી નાની ઉંમરમાં તેને આ રીતના શોકિંગ એક્સપીરિયન્સમાંથી પસાર થવું પડ્યું. તેણે પોતાની કહાની શેર કરતા લખ્યું કે, ‘આ મારું #MeToo છે. હું યંગ છોકરીઓને અનુ મલિકથી ચેતતા રહેવાની સલાહ આપું છું. અનુ મલિક તમારો સમય પૂરો થઈ ચૂક્યો છે.’ તે પછી તેણે સોના મહાપાત્રાનું નામ લેતા તેને પોતાની કહાણી શેર કરવા માટે અભિનંદન આપ્યા.