સુશાંતની પડોશીનો ખુલાસો, 13 જૂનની રાત્રે બંધ હતી રૂમની લાઇટ, આવું પહેલાં ક્યારેય બન્યું નથી

નવી દિલ્હી: સુશાંત સિંહ રાજપૂતના કેસમાં સીબીઆઇ નવેસરથી સમગ્ર કેસની તપાસ કરી રહી છે. આ કેસમાં હવે સુશાંતના બાંદ્રા સ્થિત બિલ્ડિંગમાં રહેનાર તેમની એક પડોશી મહિલાએ મોટો ખુલાસો કર્યો છે. જેથી સુશાંઅના મોતનું રહસ્ય વધુ ગાઢ બની ગયું છે. 

સુશાંત કેસમાં પડોશીનું મોટું નિવેદન
સુશાંતની બિલ્ડીંગમાં રહેનાર મહિલાએ જણાવ્યું કે 13 જૂનના રોજ રાત્રે સુશાંતના રૂમની લાઇટ બંધ હતી. ફક્ત કિચનની લાઇટ ચાલું હતી. પહેલાં ક્યારેય આવું થતું ન હતું કે આ રીતે લાઇટ બંધ હોય. મોટાભાગે સવારે 4 વાગ્યા સુધી સુશાંતના રૂમની લાઇટ ચાલુ રહેતી હતી. પરંતુ તે દિવસે રાત્રે 10:30 વાગે જ લાઇટ બંધ થઇ ગઇ હતી. 13 જૂના રોજ રાત્રે સુશાંત સિંહ રાજપૂતના ઘર પર કોઇ પાર્ટી ન હતી. મહિલાએ તે દિવસે કંઇક ને કંઇક ખોટું થવાનો અંદેશો પણ વ્યક્ત કર્યો છે.