TMKOC: કેવી હતી Gurucharan Singh Sodhi ની આર્થિક પરિસ્થિતિ? વારંવાર બદલી દેતા હતા મેલ આઇડી

Gurucharan Singh Missing: તારક મહેતાના ઉલટા ચશ્મા ફેમ એક્ટર ગુરૂચરણ સિંહ સોઢી 22 એપ્રિલથી ગાયબ છે. એક્ટર દિલ્હીથી મુંબઇ ટ્રાવેલ કરવાના હતા, પરંતુ તેમણે ફ્લાઇટ જ પકડી નહી. રિપોર્ટ અનુસાર એક્ટરની આર્થિક સ્થિતિ બરોબર ન હતી. તેમના ઉપર ઘણી લોન હતી. એવામાં સમાચાર સામે આવ્યા છે કે એક્ટર મોટાભાગે પોતાની મેલ આઇડી બદલી નાખતા હતા. 

કેવી હતી એક્ટરની આર્થિક સ્થિતિ? 
હવે એક્ટરના પિતાએ આ બધા સમાચારો પર રિએક્ટ કર્યું છે. બોમ્બે ટાઇમ્સ સાથે વાતચીતમાં એક્ટરના પિતાએ કહ્યું કે 'મારા પુત્રની આર્થિક સ્થિતિ વિશે કોઇ જાણકારી નથી. તેણે મને ક્યારે કંઇ કહ્યું નથી. એટલા માટે મને તેના વિશે જાણકારી નથી. મને આશા છે કે પોલીસને જો કંઇ મળશે તો મને ઇંફોર્મ કરશે.'

આગળ ગુરૂચરણ સિંહ સોઢીના પિતાએ કહ્યું કે 'મારી ઉંમર એવી છે કે મારી તબિયત ઠીક રહેતી નથી. હવે ગાયબ થયાને ઘણા દિવસો થઇ ગયા છે અને આ કેસમાં કોઇ પોઝિટિવ રિસ્પોન્સ નથી. અમે તેના પરત ફરવાની રાહ જોઇ રહ્યા છીએ. 

તમને જણાવી દઇએ કે પોલીસ આ કેસની તપાસ કરી રહી છે. ટાઈમ્સ ઓફ ઈન્ડિયાના સમાચાર અનુસાર, પોલીસ અભિનેતા વિશે માહિતી મેળવવા માટે તારક મહેતા કા ઉલ્ટા ચશ્માના સેટ પર પણ ગઈ હતી. શોના ઘણા કલાકારો ગુરુચરણના સંપર્કમાં હતા, તેથી પોલીસ તેની સાથે વાત કરવા ગઈ હતી. બધાએ પોલીસને સહકાર આપ્યો. આ સમાચારની પુષ્ટિ કરતા નીલા ફિલ્મ્સના પ્રોડક્શન હેડ સોહેલ રામાણીએ કહ્યું - આ તપાસનો એક ભાગ છે. પોલીસ અમારા સેટ પર આવી. અમે પ્રાર્થના કરીએ છીએ કે પોલીસ ગુરુચરણને જલ્દી શોધી લે.

View this post on Instagram

A post shared by Gurucharan Singh official (@sodhi_gcs)

વર્ક ફ્રંટ પર ગુરૂચરણને શો તારક મહેતા કા ઉલટા ચશ્માથી નેમ ફેમ મળ્યું હતું. આ શોમાં તે રોશન સિંહ સોઢીના રોલમાં હતા. જોકે એક્ટરે વચ્ચે જ શો છોડી દીધો હતો.