`તારક મહેતા કા ઉલ્ટા ચશ્મા`મા આ દમદાર અભિનેતાની થઈ રહી છે એન્ટ્રી!, જાણો કયું પાત્ર ભજવશે

મુંબઈ: સબ ટીવીનો સુપરહિટ શો 'તારક મહેતા કા ઉલ્ટા ચશ્મા' હાલ સતત ચર્ચામાં છે. કોરોના વાયરસના કારણે થયેલા લોકડાઉન બાદથી જ આ ટીવી શોની સ્ટારકાસ્ટમાં ખુબ ફેરફાર જોવા મળી રહ્યાં છે. પહેલા તો સીરિયલના અંજલી ભાભી (નેહા મહેતા) અને મિસ્ટર સોઢી (ગુરુચરણ સિંહ)એ અલવિદા કહી. ત્યારબાદ હવે શોમાં એક નવા પાત્રની એન્ટ્રી થવા જઈ રહી છે. રિપોર્ટનું માનીએ તો 'તારક મહેતા કા ઉલ્ટા ચશ્મા'માં રાકેશ બેદીની ધમાકેદાર એન્ટ્રી જવા જઈ રહી છે. 

રાકેશ બેદી સીરિયલ 'ભાભીજી ઘર પર હૈ'માં જોવા મળ્યાં છે. આ શોમાં રાકેશ બેદી અંગૂરીભાભીના પિતા ભૂરેલાલની ભૂમિકામાં જોવા મળે છે. સીરિયલમાં રાકેશ બેદીની ભૂમિકાને ખુબ  જ પસંદ કરવામાં આવી છે. &ટીવીના આ શોમાં પોતાની છાપ છોડી જવા બદલ 'તારક મહેતા કા ઉલ્ટા ચશ્મા'માં રાકેશ બેદી જબરદસ્ત ભૂમિકામાં જોવા મળશે. 

ટાઈમ્સ ઓફ ઈન્ડિયાના રિપોર્ટ મુજબ રાકેશ બેદી સીરિયલ 'તારક મહેતા કા ઉલ્ટા ચશ્મા'માં તારક મહેતાના બોસની ભૂમિકા ભજવતા જોવા મળશે. આ અગાઉ આ રોલ ટીવી એક્ટર સાહિલ લોઢા ભજવતા હતાં. તારક મહેતા હંમેશા પોતાના બોસથી ગભરાય છે. આવામાં રાકેશ બેદીની આ ભૂમિકા લોકોને ખુબ પસંદ પડશે.