Video : લોન્ચ થયું `કેદારનાથ`નું ટીઝર, સૈફની દીકરી ચમકશે પડદા પર

નવી દિલ્હી : પ્રોડ્યુસર-ડિરેક્ટરના ઝગડામાં અટવાયેલી સારા અલી ખાનની પહેલી ફિલ્મ 'કેદારનાથ'નું પોસ્ટર આજે સવારે જ સામે આવ્યું છે અને હવે ફિલ્મનું ટીઝર પણ સામે આવી ગયું છે. આ ફિલ્મ લાંબા સમયથી અટકેલી હતી પણ હવે આખરે આ ફિલમની રિલીઝનો રસ્તો સાફ થઈ ગયો છે. ટીઝરમાં સારા અને સુશાંત વચ્ચે જબરદસ્ત રોમેન્ટિક કેમેસ્ટ્રી જોવા મળી રહી છે. 

સારા હાલમાં રણવીર સિંહ સાથે ફિલ્મ 'સિમ્બા'ના શૂટિંગમાં વ્યસ્ત છે. 'કેદારનાથ' અટકવાથી ચર્ચા હતી કે ડિરેક્ટર રોહિત શેટ્ટીની 'સિમ્બા' જ સારાની પહેલી ફિલ્મ સાબિત થશે. આ ફિલ્મ 28 ડિસેમ્બરે રિલીઝ થવાની છે. જોકે હવે ચર્ચા છે કે 'કેદારનાથ' આ વર્ષે 7 ડિસેમ્બરે રિલીઝ થશે.