સ્ક્રીન પર પરવીન બાબી બનશે Urvashi Rautela, સોશિયલ મીડિયા પર શેર કરી પોસ્ટ

Parveen Babi Biopic: બોલીવુડ અભિનેત્રી ઉર્વશી રૌતેલા કાન્સ ફિલ્મ ફેસ્ટિવલ 2023 અને આઈફા એવોર્ડસમાં ધૂમ મચાવ્યા પછી તેની નવી ફિલ્મને લઈને ચર્ચામાં છે. ઉર્વશી રૌતેલાએ પોતે સોશિયલ મીડિયા પર આ વાતનો ખુલાસો કર્યો છે. ઉર્વશી ટુંક સમયમાં નવી ફિલ્મમાં જોવા મળશે. આ ફિલ્મ બોલીવુડની સુંદર અભિનેત્રી પરવીન બાબીની બાયોપિક હશે. આ ફિલ્મમાં પરવીન બાબીના રોલ માટે ઉર્વશી રૌતેલાની પસંદગી કરવામાં આવી છે. આ બાયોપિક વસીમ એસ. ખાન નિર્દેશિત કરશે.

આ પણ વાંચો:

પરવીન બાબી 1970 અને 1980ના દાયકામાં બોલીવુડની સૌથી લોકપ્રિય અભિનેત્રીઓમાંથી એક હતી. તેના અભિનય સાથે તેની સુંદરતાનો આજે પણ કોઈ જોડ નથી. જો કે તેનો અંત ખૂબ જ પીડાદાયક હતો. 50 વર્ષની વયે અભિનેત્રીનું અવસાન થયું હતું. અભિનેત્રી મુંબઈમાં તેના ઘરે મૃત હાલતમાં મળી આવી હતી. પરવીન બાબી લાંબા સમયથી બીમાર હતી. પરવીન બાબીનું જીવન ખૂબ જ રસપ્રદ હતું. તેના જીવનની દરેક ઘટનાને આ ફિલ્મમાં દર્શાવવામાં આવશે અને ફિલ્મમાં ઉર્વશી પરવીન બાબીનું પાત્ર ભજવતી જોવા મળશે.  

View this post on Instagram

A post shared by Urvashi Rautela (@urvashirautela)

ઉર્વશી રૌતેલાએ તેના ઇન્સ્ટાગ્રામ પર એક પોસ્ટ શેર કરી છે જેમાં તેણે લખ્યું છે, 'બોલીવુડ નિષ્ફળ ગયું પણ હું પરવીન બાબી પર ગર્વ કરીશ... ઓમ નમઃ શિવાય. આ શરુઆત યાત્રા જાદુઈ છે.' ફિલ્મના ડાયરેક્ટરે પણ એક મુલાકાત દરમિયાન જણાવ્યું હતું કે પરવીન બાબીના રોલ માટે ઉર્વશી રૌતેલા પરફેક્ટ છે.