Varun Dhawan Wedding Photos: વરૂણે શેર કરી લગ્નની તસવીરો, લખ્યું- જીવનનો પ્રેમ ઓફિશિયલ થઈ ગયો

નવી દિલ્હીઃ Varun Dhawan Wedding Photos:  વરૂણ ધવન અને નતાશા દલાલના લગ્નની તસવીર આવી ગઈ છે. બન્ને ખુબ સુંદર લાગી રહ્યાં છે. લગ્નની તસવીર વરૂણ ધવનની પીઆર ટીમે જારી કરી છે. આ ફોટોમાં વરૂણ ધવન અને નતાશા દલાલ ખુબ ખુશ જોવા મળી રહ્યાં છે. બે તસવીરો રિલીઝ કરવામાં આવી છે. એકમાં વરૂણ ધવન નતાશા દલાલનો હાથ પકડી ફેરા લેતા જોવા મળી રહ્યો છે. તેમાં બન્ને ખુશ લાગી રહ્યાં છે. બન્નેએ પરંપરાગત અંદાજમાં કપડા પહેર્યા છે. 

વરૂણ ધવને શેરવાની પહેરી છે. તેના ચહેરા પર હાસ્ય જોવા મળી રહ્યું છે. તેણે માથા પર ચાંદલો કર્યો છે. તો અન્ય એક તસવીરમાં વરૂણે નતાશાનો હાથ પકડ્યો છે. બન્ને હળવી મુદ્દામાં જોવા મળી રહ્યાં છે. 

વરૂણ ધવન અને નતાશા દલાલ એકબીજાને બાળપણથી ઓળખે છે. બન્નેનું અફેર વર્ષો સુધી ચાલ્યુ હતું. બન્નેએ આજે લગ્ન કરી તેના પર મહોર લગાવી દીધી છે. વરૂણ અને નતાશાના લગ્ન અલીબાગના ધ મેંશન હાઉસમાં થયા છે. ફેન્સ સોશિયલ મીડિયા પર તેની તસવીરો શેર કરી રહ્યા છે. વરૂણ અને નતાશા આજે ખુબ ખુશ જોવા મળી રહ્યા છે. લગ્નમાં કોરોનાને લીધે ખાસ લોકોને જ આમંત્રણ આપવામાં આવ્યું હતું. બન્ને હવે જલદી હનીમૂન પર જવાના છે.