Video : ગુજરાતી `સાહેબ`ની લિપકિસ વાઇરલ, પહેલાં ક્યારેય ન જોવા મળ્યો હોય એવા રોલમાં મલ્હાર ઠાકર

મુંબઈ : ગુજરાતી ફિલ્મોના સુપરસ્ટાર મલ્હાર ઠાકરની અપકમિંગ મૂવી ‘સાહેબ’નું ટીઝર રિલીઝ થઈ ચૂક્યુ છે. આ ફિલ્મની ચર્ચા છે તેટલી જ ચર્ચા ટીઝરના એક સીનની થઈ રહી છે. મલ્હાર ઠાકર અને કિંજલ રાજપ્રિયાનો કિસિંગ સીન હાલ સોશિયલ મીડિયામાં વાઈરલ થયો છે.

'મિડ-ડે'માં આવેલા રિપોર્ટ પ્રમાણે આ પહેલી એવી ગુજરાતી ફિલ્મ નથી જેમાં ઓનસ્ક્રીન હીરો-હીરોઇન વચ્ચે લિપ લોક બતાવવામાં આવ્યું હોય. આ પહેલા પણ ગુજરાતી ફિલ્મોમાં લિપકિસના દ્રશ્યો ભજવાઈ ચૂક્યાં છે. વર્ષ 2010માં આવેલી ગુજરાતી ફિલ્મ 'સૂરજ ઉગ્યો શમણાને દેશ'માં હિતુ કનોડિયા અને મોના થીબાએ લિપલોકનો સીન આપ્યો હતો. હિતુ અને મોના સુપરહિટ ગુજરાતી ફિલ્મી જોડી છે અને રિયલ લાઇફ કપલ પણ છે.