Dahaad Trailer: લેડી સિંઘમ બની સોનાક્ષી સિન્હા, એક્શન-થ્રિલર વેબ સીરિઝ દહાડનું જુઓ ટ્રેલર

Dahaad Trailer: સોનાક્ષી સિન્હા ફરી એકવાર એક્શન અને ધમાલ કરતી જોવા મળશે. જોકે આ વખતે સોનાક્ષી સિન્હા લેડી સિંઘમ કોઈ ફિલ્મમાં નહીં પરંતુ વેબ સિરીઝમાં બની છે. સોનાક્ષી સિન્હા તેની નવી વેબ સીરીઝ દહાડ સાથે ઓટીટી પર ડેબ્યુ કરવા જઈ રહી છે. તાજેતરમાં જ આ વેબ સિરીઝનું ટ્રેલર પણ રિલીઝ કરવામાં આવ્યું છે. જેમાં સોનાક્ષી સિન્હા પોલીસ ઓફિસરના પાત્રમાં જોવા મળે છે. તેનો લુક અને ડાયલોગ લોકોને પસંદ આવ્યા છે. 

આ પણ વાંચો: 

દહાડ વેબ સિરીઝમાં સોનાક્ષી સિન્હા સાથે વિજય વર્મા, ગુલશન દેવૈયા, સોહમ શાહ મુખ્ય ભૂમિકામાં જોવા મળશે. આ એક એક્શન ટ્રેલર વેબ સિરીઝ છે જેનું નિર્દેશન રીમા કાગતીએ અને રૂચીયા ઓબેરોયે કર્યું છે. આ વેબ સિરીઝ 12 મે ના રોજ ઓટીટી પ્લેટફોર્મ amazon prime ઉપર સ્ટ્રીમ થશે. 

આ વેબ સીરીઝના આઠ એપિસોડ હશે. જેમાં પોલીસ ઓફિસર તરીકે સોનાક્ષી સિન્હા મર્ડર મિસ્ટ્રી સોલ્વ કરશે. આ વેબ સિરીઝમાં કેટલીક મહિલાઓની શંકાસ્પદ હાલતમાં ડેડબોડી મળી આવે છે. આ કેસ આત્મહત્યાનો લાગે છે પરંતુ હકીકતમાં એક સીરીયલ કિલર આ મહિલાઓને મારી રહ્યો છે. આ સીરીયલ કિલરને પકડવાનું કામ સોનાક્ષી સિન્હા કરશે.