યુવરાજ અને હેઝલની વચ્ચે આવશે `ત્રીજું`, પણ વાત ખુશીની છે...

મુંબઈ : મુંબઈ ખાતે હાલમાં યોજાયેલા ઈશા અંબાણી અને આનંદ પીરામલના લગ્નમાં ઘણી સેલિબ્રિટીઓ સાથે યુવરાજ સિંહ અને તેની પત્ની હેઝલ કીચ પણ શામેલ થયા હતા. આ ફંક્શનમાં હેઝલ વારંવાર પોતાના પેટને કવર કરી રહી હતી. હેઝલની આ હરકતથી એવી અટકળો લાગવાનું શરૂ થઈ ગયું છે કે યુવરાજ સિંહ અને હેઝલ કીચ માતા-પિતા બનવાના છે. જોકે અત્યાર સુધી આ કપલ તરફથી કોઈ ઓફિશિયલ એનાઉન્સમેન્ટ કરવામાં આવી નથી.

યુવરાજ અને હેઝલના લગ્ન 30 નવેમ્બર, 2016 પર થયા હતા. યુવરાજ અને હેઝલ એક પાર્ટીમાં મળ્યા હતા. હાલમાં જ બંનેએ પોતાના લગ્નની બીજા એનિવર્સરી સેલિબ્રેટ કરી હતી. લગ્ન બાદ હેઝલે પોતાને લાઈમ લાઈટથી દૂર રાખી છે. જાણકારી એવી પણ છે કે જલ્દી જ યુવરાજ હેઝલના પ્રેગ્નનન્સીની જાહેરાત કરી શકે છે.